'''КӨКЖОТАКөкжота'''– [[Жетісу Алатауы|Жетісу Алатауының]] шығыс бөлігіндегі тау сілемі. [[Алматы облысы]] Алакөл ауданы Үшбұлақ ауылының оңтүстігінде 45 км жерде орналасқан. Орта [[Тентек өзені|Тентек өзенінің]] сол саласы Аттапқан өзенінің суайрығында. Ең биік жері 3500 – 3600 м шамасында. Солтүстіктен оңтүстікке қарай бойлық бағытта 18 км-ге созылып жатыр, енді жері 4 км. Жер қыртысы төменгі палеозой қабаттары [[кристалдық тақтатас]], [[кварцит]], [[гнейс]], [[әктас]], [[мәрмәр]] жыныстарынан құралған. Таудың биік көтеріңкі жерлерінде [[палеозой граниттері]] кездеседі. Биік таулы белдеуде [[Тянь-Шань шыршасы]] мен самырсын ағаштары және шалғынды [[субальпілік]] ландшафтармен сипатталады.
