Мадагаскар: Нұсқалар арасындағы айырмашылық

Мадагаскар аралының шығыс және батыс жағалаулары аласа, жайпақ келеді; шығыс жағалаулары құм төбешіктер, батыс жағалауы – маржан [[рифтер|рифтері]]. Солтүстік-батысы мен қиыр солтүстігіндегі жағалауы биік жартасты, қатты тілімделген. Аралдың климаты [[тропиктік климат|тропиктік]]; солтүстік-батысында – [[экваторлық муссон]] климаты; шығыс жақ теңіз жағалауындағы ойпаттар мен үстірттегі климаты ыстық әрі ылғалды. Айлық орташа температура 13 – 20°С-тан 27 – 33°С-қа дейін, жылдық жауын-шашынның орташа мөлшері 1500 мм-ден асады, ал кей жерлерінде 3000 мм-ге жетеді. Елдің шығысында тропиктік мәңгі жасыл ормандар өседі.

Аралдың ежелгі және ортағасырлық тарихы аз зерттелген. Алғашқы мемлекеттік құрылымдар 14-ғасырда пайда болды. Бұл мемлекет [[Имерина]] деп аталды. 19-ғасырдың басында Имерина барлық аралды біріктіріп, Мадагаскар патшалығын құрды. 1883 ж. Мадагаскарға француз әскерлері басып кіріп, арал үкіметі Франция протектораттығын мойындауға мәжбүр болды (1885). 1895 ж. [[Франция]] Мадагаскарға қайта шабуыл жасап (1896, тамыз) Имерина монархтарының билігін жойды (1897). Франция отаршылық жылдары Мадагаскардың адам күші мен табиғи қорын аяусыз пайдаланды. Мадагаскар халқының ұлт-азаттық күресі 2-дүниежүзілік соғыстан кейін өрши түсті. Нәтижесінде 1958 ж. қазан айында Мадагаскарға Франция бірлестігі аумағындағы [[автономиялық құқық]] еркіндігі берілді. 1960 ж. 26 маусымда Мадагаскардың тәуелсіздігі жарияланып, елдің аты байырғы халық атымен үйлестіріліп, ресми түрде [[Мальгаш Республикасы|Мальгаш (Малагасия) Республикасы]] деп аталды. 1992 ж. тамызда жаңа ұлттық конституция жариялады. Жаңа заңға сәйкес елдің аты Мадагаскар Республикасы болып өзгертілді.

 

 

==Пайдаланылған cілтемелер==