Марқакөл: Нұсқалар арасындағы айырмашылық

Content deleted Content added
Өңдеу түйіні жоқ
Өңдеу түйіні жоқ
3-жол:
'''Марқакөл''' – [[Шығыс Қазақстан облысы]], [[Күршім ауданы|Күршім ауданындағы]] көл. Азутау және [[Күршім жоталары|Күршім жоталарының]] аралығында, теңіз деңгейінен 1449,3 м биіктікте орналасқан. Ауданы 455 км2, ұзындығы 38 км, ені 19 км, орташа тереңдігі 14,3 м, ең терең жері 27 м. Су жиналатын алабы 1180 км2. Су көлемі 6567 млн. м3, жағасының ұзындығы 106 км. Көл жағасының оңтүстік жағы тік құлама жартасты. Шағын өзен-жылғалар құятын тұстары батпақты. Төңірегінің климаты континенттік: қыс мезгілінде ауа температурасы кейде –55°С-қа дейін төмендейді. Қазан – мамыр айлары аралығында көл қатады. Көлге 27 шағын өзен мен жылға құяды; ірілері – [[Қарабұлақ]], [[Матабай]], [[Жиренбайтал]], т.б. Көлден [[Қалжыр өзені]] бастау алады. Суы тұщы, мөлдір, минералдылығы 0,07 г/л, құрамында: [[йод]], [[фтор]], [[бром]], т.б. бар. Жағалауын [[қайың]], [[қарағай]], [[шырша]] өскен орманды алқап алып жатыр. Балыққа бай ([[табан]], [[сазан]], [[аққайран]], [[хариус]], [[майқан]], [[қара балық]], [[теңге балық]], т.б.), зоопланктонның 60 түрі кездеседі. Құстың ондаған түрі мекендейді. Мұнда Марқакөл қорығы ұйымдастырылған.
 
'''Марқакөл қорығы''' – Шығыс Қазақстан облысы, Марқакөл аудандағы мемлекеттік қорық. 1976 ж. ұйымдастырылған. Негізгі мақсаты – бағалы хайуанаттарды, құстарды және балық уылдырық шашатын өзендер арналары мен ормандарды табиғи қалпында сақтау. Қорық көлемі 75,0 мың гектар, оның 3,8 мың гектарын майқарағай, балқарағай, шырша, қайың мен көктерек өскен орман алқабы алып жатыр. Субальпі мен альпі белдеуі шабындыққа бай. Мұнда мүк, қына, алтай тырбық қайыңы өседі. Қорықта алуан түрлі жан-жануарлар тіршілік етеді. Көлде қаяз, хариус, теңге балық, т.б. бар. Орманы аң мен құсқа бай. Онда балықтың – 4, сүтқоректілердің – 59, құстардың – 250-ден аса түрі, қосмекенділердің – 3, бауырымен жорғалаушылардың – 4 түрі мекендейді. Қорық жері алуан түрлі палеонтологиялық қазба байлықтарға бай.<ref>[[Балалар Энциклопедиясы]], 6 том.</ref>
 
 
<ref>Балалар Энциклопедиясы</ref>
 
==Пайдаланылған cілтемелер==
«https://kk.wikipedia.org/wiki/Марқакөл» бетінен алынған