Аманбек Мұхашов

Аманбек Мұхашов (27.8.1939 ж. т., Сарысу ауд. Саудакент а.) – дипломат. Мәскеу энергетика ин-тын бітірген (1962). 1976 – 79 ж. Алматы Жоғары партия мектебі, 1962 – 65 ж. Алматы ауыр машина жасау з-тында инженер-электрик, одан комсомол к-тінің хатшысы болып қызмет істеді. 1965 – 71 ж. Қазақстан ЛКЖО ОК-нің нұсқаушысы, Алматы қ-ндағы Калинин ауд. комсомол к-тінің бірінші хатшысы болды. 1971 – 81 ж. Калинин ауд. аткомы төрағасының орынбасары, төрағасы, 1981 – 87 ж. Алматы қ-лық партия к-тінің бөлім меңгерушісі, Алматы қ-лық атқару к-ті төрағасының орынбасары, 1987 – 89 ж. Алматы ауыр машина жасау з-тында шебер, өндірістік бөлім бастығы, 1989 – 91 ж. халықар. антиядролық «Невада-Семей» қозғалысы аткомының директоры, 1991 – 94 ж. Қазақстан кәсіподақтарының «Еңбек» акцион. қоғамы басқармасының төрағасы, 1994 – 96 ж. Қазақстан Республикасы Үкіметі Аппаратында Аймақтық даму бөлімі меңгерушісінің орынбасары, сектор меңгерушісі, 1996 – 2000 ж. Италиядағы ҚР Елшілігінің кеңесшісі қызметінде болды. 2000 ж. ҚР Үкіметі Аппаратында Аймақтық даму бөлімінің бас инспекторы болып тағайындалды. ҚР Үкіметі жанындағы Діни бірлестіктермен байланыс жөніндегі Кеңес хатшылығының меңгерушісі. Бірнеше медальдармен, Қазақ КСР Жоғ. Кеңесі Төралқасының грамотасымен (1968), Жоғ. Кеңестің «Құрмет» грамотасымен (1970) марапатталған.