Баспа ауруы: Нұсқалар арасындағы айырмашылық

[[Сурет:Angina.jpg|thumb|Баспаның ісінуі]]

'''Баспа''', [[ангина]] ([[латын|латынша]] ango — қысамын, тұншықтырамын) — көмейдегі [[бадамша]] бездерінің қабынуынан болатын жұқпалы ауру. Оның қоздырғышы — [[стрептококк]] [[бактерия|бактериясы]]. Баспа адам организмінің түрлі жұқпалы [[вирус|вирустарға]] қарсы тұру қабілеті төмендегенде, суық тигізгенде, [[витамин|витаминдер]] жетіспегенде, шаршағанда пайда болады. Баспа — бадамша бездерінің ісініп, жұтқыншақтың қызаруымен басталады; тамақ құрғап, жұтындырмайды. Тамақ бездері ісініп, қол тигізбей ауырады. Дене қызуы көтеріліп, бас ауырады, [[буын]] сырқырайды, адам дел-сал болып әлсірейді. Ауру асқынғанда бадамша бездері қабынып, ақшыл сары ірің пайда болады. Баспаны дер кезінде емдемесе, ортаңғы құлаққа өтуі мүмкін. Мұндай Баспа өзінен-өзі жарылады, кейде оған операция жасауға тура келеді. Баспаның жедел өтетін және созылмалы түрлері бар. Баспаны емдемесе, ауру бүйрекке, жүрекке, т.б. органдарға шабуы мүмкін. Сондықтан Баспаның алғашқы белгісі білінісімен дәрігерге жедел көрініп, созылмалы түрге өткізбей емделу қажет. Б-мен ауырғанда міндетті түрде жатып емделу, тамақты жылы ұстау, мезгіл-мезгіл сұйық тағам ішу, жылы [[компресс]] қою, жиі-жиі тамақты сода, тұз ерітінділерімен шаю, [[антибиотик|антибиотиктер]] ішу қажет. Баспаның алдын алуда дене шынықтырудың, [[спорт|спортпен]] шұғылданудың маңызы зор.

{{stub}}

{{wikify}}