Алмат Жанәбілұлы Тұрсынов: Нұсқалар арасындағы айырмашылық
Жаңа бетте: {{Тұлға |Есімі = Алмат Жанәбілұлы Тұрсынов |Шынайы есімі = |Сурет = |Суре... |
(Айырмашылық жоқ)
|
12:38, 2021 ж. мамырдың 13 кезіндегі нұсқа
Алмат Жанәбілұлы Тұрсынов (17 қаңтар 1966 Қарасу ауылы, Қарасу ауданы, Қостанай облысы) — «Қарасу» СӨК» ЖШС бас директоры, Қазақстанның Еңбек Ері.
| Алмат Жанәбілұлы Тұрсынов | |||||||||
| Туған күні | |||||||||
|---|---|---|---|---|---|---|---|---|---|
| Туған жері | |||||||||
| Азаматтығы | |||||||||
| Марапаттары мен сыйлықтары |
| ||||||||
Өмірбаян
Тұрсынов Алмат Жанәбілұлы 1966 жылдың 17 қаңтарында Қостанай облысы Қарасу ауданының Қарасу ауылында дүниеге келген. Әкесі - Тұрсынов Жанәбіл Шаяхметұлы (1925-2007), ҰОС қатысқан, аудандық әлеуметтік қамсыздандыру комитетінің меңгерушісі, кеңшардың бас қызметкер болып жұмыс істеген. Анасы - Тұрсынова Зәйтүш Уапқызы (1934 жылы туған), 8 бала тәрбиелеген, үй шаруасымен айналысады. Целиноград ауылшаруашылық институтын бітірген (1972), инженер-механик.
1983 жылы Қарасу орта мектебін жемісті аяқтап, Целиноград ауыл шаруашылығы институтының ауыл шаруашылығын механизациялау факультетіне түседі.
1989 жылы Қарулы күштер қатарындағы қызметін аяқтағаннан кейін Қарасу ауданында балалар мен жастар спорт мектебінің жаттықтырушысы болып еңбек жолын бастайды. «Май» және «Тімтуір» кеңшарларында комбайншы, жүргізуші, инженер-жабдықтаушы болып істеді.
1989 жылғы егін орағында «Нива» комбайнымен 517 гектар алқаптың егінін орып, 7 мың центнерден астам астық бастырды. Жастар арасындағы Бүкілодақтық жарыстың қорытындысы бойынша жоғары көрсеткіші үшін Алмат Тұрсынов БЛКЖО ОК «Алтын масақ» белгісімен аталып өтілді.
1990 жылы елімізде қайта құрылу басталысымен Алмат Тұрсынов Қарасу ауданында Жастар бастамасы қорын құру туралы бастама көтерген және ұйымдастырғандардың бірі болды, қож-блок және қамыс төсеніш шығару бойынша бригада жасақтады.
1996 жылдың ақпанынан бастап Алмат Тұрсынов өңірдегі ауыл шаруашылығы өндірісін кеңейту және нығайтуға бағытталған өзінің бағдарламасын жасап, оны жетілдіруге күш салады, «Қарасу» ААҚ құрады.
2000 жылы Астанадағы Қазақ мемлекеттік басқару академиясын халықаралық экономикалық қатынас мамандығы бойынша бітірді.
2002 жылдың сәуірінде «Қарасу» ААҚ «Қарасу» СӨК» болып өзгертіледі, Алмат Жанәбілұлы Тұрсынов компанияның директоры және жалғыз құрылтайшысы болып табылады.[1]
Марапаттары
«Қазақстан Республикасының тәуелсіздігіне 10 жыл» медалімен (2001), «Ерен еңбегі үшін» медалімен, «Еңбекте үздік шыққаны үшін» медалімен (2006), Меценаттығы үшін медалімен (2006), «Астанаға 10 жыл» медалімен (2008), 2-ші дәрежелі «Атамекен» медалімен (2008), «Бірлескен Еуропа» халықаралық медалімен (Ұлыбритания, Оксфорд, 2008) – еуропалық бірігуді нығайтуға қосқан үлесі үшін, 1-ші дәрежелі Ұлы Петр орденімен (Мәскеу, 2008) – ресейлік-қазақстандық қатынасты нығайтуға бағытталған жұмысы үшін, «Достастық жұлдызы» орденімен (Мәскеу, 2008) – ТМД елдеріндегі халықаралық қатынастар саласындағы жетістігі үшін, «Қазақстан Республикасының тәуелсіздігіне 20 жыл» медалімен (2011), «Қазақстан полициясына 20 жыл» төсбелгісімен (2012), «Құрмет» орденімен (2012), «Қазақстан Республикасының тәуелсіздігіне 25 жыл» медалімен (2016) марапатталды.
2016 жылдың 06 желтоқсанында «Қарасу» сауда-өнеркәсіптік компаниясы» ЖШС директоры Алмат Тұрсынов «Қазақстанның Еңбек Ері» атағын, «Алтын жұлдыз» айрықша белгісін, «Отан» орденін иеленді. Бизнесменді Елбасы Нұрсұлтан Назарбаевтың өзі марапаттады.[2]
2017 жылы XXVIII Дүниежүзілік қысқы универсиада қарсаңында Эстафета алауын тұтату құрметіне ие болды.
2017 жылы Алмат Тұрсынов Қостанай облысынан республикалық "Қазақстанның 100 жаңа есімі" жобасының жеңімпазы болды.[3]
Жарияланымдар
Тұрсынов, Алмат. Уақыт талабына ілесуді міндеттейді [Мәтін] : [ауыл шаруашылығын дамыту] / Алмат Тұрсынов // Егемен Қазақстан. - 2018. - 2 ақпан. - Б. 3. - ISSN 1999-9720.
Әдебиеттер
- Бәйге аттарын баптаған [Мәтін] : [Қарасу ауданы туралы] // Алтын дала: 1936-2006 : 70-летию Костанайской области посвящается : фотокнига / құраст.
Г. Дильдяев. - Алматы, 2005. - Б. 284-287.
- Бұзаудан - таза өнімге дейін // Тарих парақтары = Истории строки: Қостанай облысы 80 / ред. алқа: мәтін авт. А. Ермолович - Қостанай, 2016. - Б. 104-105. - ISBN 978-601-316-991-0.
- Жарық жаққан төрт түліқ // Тарих парақтары = Истории строки: Қостанай облысы 80 / ред. алқа: мәтін авт. А. Ермолович [т. б.] - Қостанай, 2016. - Б. 105. - ISBN 978-601-316-991-0.
- Жәрімбетова, Нәзира. Тәуелсіздыкпен тел өскен кәсіпкер [Мәтін] : еңбегімен еленген // Егемен Қазақстан. - 2016. - 7 желтоқсан. - Б. 6.
- Жақсанов, Оразалы. Өмірі жастарға өнеге [Мәтін] : Қазақстанның Еңбек Ері Алмат Тұрсынов хақында // "Біздің Қостанай". - 2016. - 27 желтоқсан. - Б. 7.