Қорқыт ата: Нұсқалар арасындағы айырмашылық

Қорқыт ата өмірде ізі, артында әдеби-музыка мұрасы қалған тарихи тұлға ретінде белгілі. Қорқыт атаның өмір сүрген кезеңі туралы ғылымда әр түрлі болжамдар қалыптасқан. Алайда зерттеулердің көпшілігі Қорқыт ата [[Сырдария]] бойында өмір сүрген [[Оғыздар|оғыз]]-[[қыпшақ]] тайпалық бірлестігінде 10 ғасырдың басында дүниеге келген деген тұжырымға саяды. [[Рашид әд-Дин Фазлаллах Ибн Әбу-Ль-Хайр Хамадани|Рашид әд-Дин]] “[[Жамиғ Ат-Тауарих]]” атты тарихи шежіресінде Қорқыт Атаны [[қайы]] тайпасынан шыққан десе, [[Әбілғазы Баһадүр Хан|Әбілғазының]] “[[ТҮРІК ШЕЖІРЕСІ|Түрік шежіресінде]]” оның тегі [[баят]] екендігі, [[оғыздар]]дың елбегі болып, 95 жасқа келіп қайтыс болғандығы айтылады. [[Сыр]] жағасына жақын жерде Қорқыт атаның зираты болғанын Ә.Диваев, т.б. ғалымдар өз еңбектерінде атап өтеді. Ә.Қоңыратбаевтың зерттеулерінде Қорқыт ата 11 ғасырдың басында дүниеден өткен делінсе, [[Марғұлан Әлкей Хақанұлы|Ә.Марғұланның]] еңбектерінде ол 7 – 8 ғасыр аралығында өмір сүрді деген пікір айтылады. Қазақ философиясы тарихында Қорқыт ата– ел бірлігін нығайтқан кемеңгер қайраткер, түркі дүниетанымының негізін жасаған ғұлама [[ойшыл]], әлемдік ақыл-ой мәдениетінде өзіндік орны бар [[философ]]-[[гуманист]] ретінде көрінеді. Қорқыт Ата жайындағы аңыздардан оның бойындағы үш түрлі өнер ерекше айқындалады. Біріншіден, ол [[Оғыздар|оғыз]]-[[қыпшақ]] ұлысынан шыққан айтулы [[бақсы]], [[Абыз (адам)|абыз]]. Екіншіден – [[күйші]], [[қобыз]] сарынын алғаш туындатушы өнерпаз. Үшіншіден – әйгілі [[жырау]], оның жырлары оғыз-қыпшақ өмірін бейнелеген әдеби-тарихи мұра. Түркі халықтарының фольклорындағы Қорқыт ата туралы аңыз әңгімелердің бірі оның туылуына байланысты.