Қамысты мұнай-газ кен орны

Қамысты мұнай-газ кені, Атырау облысы Исатай ауданында, Атырау қаласынан батысқа қарай 80 км жерде орналасқан. Құрылымы 1960 жылы сейсмик. барлау (шағылысу толқындары әдісімен) және құрылымдық бұрғылау арқылы анықталған. Іздестіру және барлау-бұрғылау жұмыстары 1962 жылы басталып, сол жылы кен орны ашылды. Барлау жұмыстары 1975 жылы аяқталды. Тектоникалық тұрғыдан кен орны – үш қанатты тұз күмбезді. Төменгі бор, ортаңғы юра және пермь-триас шөгінділері мұнайлы. Төменгі бор қабатында 3 мұнайлы, 2 газ-мұнайлы горизонт, ал ортаңғы юра шөгінділерінде 9, пермь-триаста 2 мұнайлы горизонт бар. Горизонттардың тереңдігі 199 – 783 м. Шоғыр түрі – қабаттық, күмбезді және тектоник. қалқаланған қабаттық. Өнімді горизонттар терригендік шөгінділерден түзілген. Коллектордың ашық кеуект. 21 – 27%, өткізгіштігі 0,140 – 1,699 мкм2. Мұнайға қаныққан қабаттың қалыңдығы 3,2 – 14,4 м, мұнайға қаныққандық коэфф. 0,75 – 0,84. Бастапқы қабаттық қысымы 2,38 – 8,03 МПа, температурасы 20 – 40°С. Мұнайдың тығыздығы 0,812 – 0,919 г/см3 шамасында өзгереді. Оның құрамында 0,05 – 0,9% күкірт, 1,5 – 4,92% парафин, 0,06 – 4,6% асфальтендер, 1,85 – 17,5% силикагелдік шайырлар бар. Газ құрамы 38,56 – 78,8% метаннан, 10,28 – 25,26% этаннан, 3,32 – 19,52% пропаннан тұрады. Шоғыр режимі – су қысымды. Хлоркальций типті қабат суларының тығыздығы 1,16 – 1,2 г/см3, минералд. 252,8 – 290,4 г/л. Кен орны игерілуде.

Атырау облысы.

Сілтемелер

• Атырау облысы
• Кен