Қанатжеміс: Нұсқалар арасындағы айырмашылық
Shynassylov (талқылау | үлесі) Жаңа бетте: thumb| alt=A.| ''Қанатжеміс''. '''Қанатжеміс''', ярутка (Thlaspі) – орамжапырақ тұқымдасын... |
(Айырмашылық жоқ)
|
11:34, 2011 ж. маусымның 25 кезіндегі нұсқа
Қанатжеміс, ярутка (Thlaspі) – орамжапырақ тұқымдасына жататын бір және көп жылдық өсімдіктер туысы. Негізінен Солтүстік жарты шардың қоңыржай белдеулері мен Оңтүстік Америкада кездесетін 60-қа жуық түрі белгілі. Қазақстанның барлық аймақтарының орманды, далалы жерлерінде, таудың тастақты беткейлерінде, шалғындықта, орман шетінде, өзен аңғарында, бұталардың арасында, альпі белдеуінде, бақша мен егістік арасында арамшөп ретінде 5 түрі өседі. Соның ішінде жиі кездесетін дала қанатжемісі (Thlaspі arvense). Биіктігі 20 – 85 см, сабағы тік, ұшына қарай бұтақтанып келеді. Жай жапырағы түксіз, өркенге кезектесіп орналасады. Гүлдері шашақ гүлшоғырына жиналған. Жеке гүлінде 4 тостағанша жапырақша, ақ немесе қызғылт 4 күлте, 6 аталық (2-уі қысқа, 4-уі ұзын), аналығы біріккен 2 жеміс жапырақшасынан тұрады. Сәуірден тамызға дейін гүлдеп, жеміс салады. Тұқымынан көбейеді. Жемісі – екі ұялы бұршаққынша, жемісінің екі жағында (қырында) желмен таралуға бейімделген жұқа өсінді қанатшасы болады. Өсімдік аты соған байланысты аталған. Жемісі көп тұқымды (10 мыңға дейін). Қанатжеміс – улы өсімдік, себебі оның құрамында эфирлі-қышалы майға ыдырайтын глюкозид болады. Сондықтан бұл өсімдікті мал жесе, мал сүтінен сарымсақтың иісіндей жағымсыз иіс шығады. Өсімдіктен алынған шырынды медицинада дәрі жасау үшін пайдаланады. [1]
Сілтемелер
Пайдаланған әдебиет
- ↑ Қазақстан Республикасының табиғаты 3 том, 2 бөлім
Бұл — мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. Бұл ескертуді дәлдеп ауыстыру қажет. |
Бұл мақаланы Уикипедия сапа талаптарына лайықты болуы үшін уикилендіру қажет. |