Маңғыстау облысындағы тамақ өнеркәсібі: Нұсқалар арасындағы айырмашылық

Content deleted Content added
Жаңа бетте: '''Тамақ өнеркәсібі.''' Тамақ өнеркәсібі өнімдерінің өндірісі үшін шикізат облыстан тысқары жерле...
(Айырмашылық жоқ)

19:37, 2011 ж. маусымның 26 кезіндегі нұсқа

Тамақ өнеркәсібі. Тамақ өнеркәсібі өнімдерінің өндірісі үшін шикізат облыстан тысқары жерлерден әкелінеді. Өнеркәсіптің негізгі кәсіпорындары – сүт және сүт өнімдерін өндіруші «Ақтау-сүт» ЖШС, «Гурман» ЖШС, «Жаңаөзен сүт зауыты» ЖШС. Сонымен қатар облыста «Бриз» ЖШС, «Баута» ЖАҚ, «Араз» ЖШС алкогольсыз сусындарды, шырындар, құтыланған сулар, сыралар, сондай-ақ Ақтау кондитер фабрикасының «Волна» кондитерлік бұйымдары өндіріледі. Шұжық өнімдері, нан шығару, т.б. шағын өндірістер бар.

Сүт және сүт өнімдері өндірісінде кәсіпорын қуатының жиынтық көлемі облыс тұрғындарының тәулікте тұтынатын 91 т өнім орнына 21 т-ны құрайды. Барлық өнімдер өңірге Қазақстанның басқа облыстарынан, Ресейден және ТМД-ның басқа елдерінен әкелінген құрғақ сүтті қалпына келтіру жолымен жүргізіледі және тек облыс аумағында ғана, негізінен Ақтау және Жаңаөзен қ-ларында сатылады. Түпқараған ауданында Таушық ауылында орналасқан «Таушық» ЖШС кәсіпорнының асыл тұқымды түйелер өсетін өз шаруашылығы бар. Кәсіпорын түйе сүтін қайта өңдеу жолымен сүт өнімдерін – шұбатты өндіреді. Кәсіпорын қуаты тәулігіне 400 т шұбат береді. Өнімдер пластикалық құтыларға құйылады және негізінен мұнай-газ компаниясының жұмысшы асханаларына, мамандандырылған емдеу орындары мен бөлшек сауда желілеріне сатылады.

«Жаңаөзен сүт зауыты» ЖШС, «Сливки», «Шалап» және «Шұбат» өнімдерінің жаңа түрлерін игерді және оның түрлерін 11 атауға дейін жеткізді.

Ет өнімдері өндірісінде жартылай фабрикаттар, шұжықтар шығарумен, негізінен «Школьник – Актау» ЖШС мен «Поздняков» жеке кәсіпорындары айналысады.

Ет өнімдері жылына қажетті 15 мың т еттің орнына 9,5 мың т-ны ғана өндіреді.

Өңірде нан және нан-тоқаш өнімдерін көптеген жекеменшік ұсақ наубайханалар өндіреді. Облыс орт. Ақтау қаласында бұл бағыттағы қызметті неғұрлым ірі кәсіпорындар (тәулігіне 50 т өнім өндіретін), «Мағаш» ӨФ ЖШС мен тәулігіне 30 т-ға дейін нан-тоқаш өнімдерін өндіретін облыс орталығындағы «Ардагер» ЖШС гипермаркеттің наубайханасы бар.

Облыста кондитер өнімдерін шығаратын кәсіпорындар да бар. Олардың бірі – 100-ден аса өнімдер (шоколад конфеттерін, зефир, печенье, кекстер, торттар, шығыс тәттілері, т.б.) өндіретін «Волна» Ақтау кондитер фабрикасы. Кәсіпорынның қуаты – айына 28 т. Облыста алкогольсіз сусындар, ауыз сулар шығаруды Польша қызметкерлерінің үлестік қатысуымен, «Бриз» БК ЖШС кәсіпорны жүзеге асырады. 2005 ж. кәсіпорын өндірісті жетілдіруге минералданған суды әкелді. Газдандырылған сусындар мен ауыз суларын құятын жаңа технологиялық құрал-жабдықтар алынды.[1]


Пайдаланған әдебиет

  1. Маңғыстау энциклопедиясы.