Сүйіртұмсық бақа: Нұсқалар арасындағы айырмашылық
Жаңа бетте: thumb|Сүйіртұмсық Бақа <b>Сүйіртұмсық Бақа</b> (Rana arvalіs) – <i>бақа</i> тұқым... |
(Айырмашылық жоқ)
|
05:24, 2011 ж. маусымның 27 кезіндегі нұсқа
Сүйіртұмсық Бақа (Rana arvalіs) – бақа тұқымдасына жататын қосмекенді. Қазақстанның солтүстік өңірлеріндегі орманды, орманды-дала аймақтарында, Батыс және Орталық Қазақстан областарында кездеседі. Әдетте денесінің ұзындығы 5 – 7, ең ірілері 8 см-дей. Түсі қоңыр, терісінің сыртында қара қоңыр дақтары болады, көбейер кезде аталықтарының тері жабындысы көгілдір түске боялады. Бауыры ақ немесе сарғылт. Сүйір тұмсықты көзінен жонына дейін созылған қара дақ жіңішкеріп барып бітеді. Шұбар өрнекті алқымы ақшыл түсті. Аналығы 1200 – 3500 жұмыртқа салады, тек суда ұрықтанады. Судағы және құрлықтағы жәндіктермен, моллюскалармен, өрмекшілермен қоректенеді. Сүйіртұмсық Бақаның шөмішбалықтарын (дернәсілдерін) жыртқыш қоңыздар, ал ересек бақаларды көлбақа, сарбас жылан, сұр жылан, кейбір құстар (қалбағай, әупілдек, т.б.), сүтқоректілер (борсық, түлкі, т.б.) жейді. Қысты шұңқырларда, тышқандардың інінде, томар, қураған ағаштардың жапырақ үйінділерінің астында жатып өткізеді. Қысқы ұйқысы 6 – 7 айға созылады. Омыртқасыздардың сан алуан түрімен қоректенетіндіктен, экологикалық және шаруашылық маңызы бар.
Пайдаланылған әдебиеттер
- ↑ "Қазақ Энциклопедиясы"
Бұл — мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. Бұл ескертуді дәлдеп ауыстыру қажет. |
Бұл мақаланы Уикипедия сапа талаптарына лайықты болуы үшін уикилендіру қажет. |