Сүйінішәлиев Ханғали Жұмашұлы

Сүйінішәлиев Ханғали Жұмашұлы (5.12.1918, Батыс Қазақстан обласы Тайпақ ауданы Қызылжар ауылы – 20.6.2006, Алматы) – әдебиет зерттеушісі, филология ғылым докторы (1969), професор (1972), ҚР-ның еңбегі сіңген жоғары мектеп қызметкері (1984). Орал қаласындағы малдәрігерлік техникумды, сондағы педогогикалық инстетутты (1943), ҚазМУ-дың аспирантурасын (1952) бітірген. 2-дүниежүзімік соғысқа қатысқан. 1943 – 1970 жылдары Орал педогогикалық инстетутында аға оқытушы, қазақ тілі мен әдебиеті кафедрасының меңгерушісі, ҚазМУ-да (қазіргі ҚазҰУ) оқытушы, доцент, професор қызметтерін атқарған. Ғылыми-зерттеулер еңбектері ежелгі әдебиет мұралары, орта ғасырлардағы әдеби, тарихи жәдігерліктер, түркі тілдес халықтар әдебиеті мен қазақ сөз өнерінің байланысы, қазақ әдебиеті тарихының қалыптасу кезеңдері, 18 – 19 ғасырлардағы ақын-жыраулар шығармаларын, әдебиет сыны мен теориясы, Абай шығармаларын мәселелеріне арналған. “Абайдың қара сөздері” тақырыбында кандидат (1952), “Қазақ әдебиетінің қалыптасу кезеңдері” атты тақырыпта докторлық диссертатция (1969) қорғаған. 400-ден астам ғылыми еңбектің авторы. 1-дәрежелі Отан соғысы, Қызыл жұлдыз ордендерімен, бірнеше медальдармен марапатталған.