1996 жылғы Жазғы Олимпиада ойындары: Нұсқалар арасындағы айырмашылық

'''XXVI олимпиялық ойындар''' ([[Ағылшын тілі|ағылш]]: ''Games of the XXVI Olympiad'') — 20 шілде - 4 тамыз 1996 ж. Атланта, АҚШ, бұл ойындарға 196 мемлекеттен 10 774 спортшы қатысты. Олардың 7060-ы ер кісілер, 3684-і әйелдер.), бұл тәуелсіз мемлекет ретінде Қазақстанның өз алдына құрама команда жасақтап қатысқан тұңғыш жазғы олимпиялық ойындары еді.

Бұнда біздің жас мемлекеттің спортшылары өнер көрсеткен 196 елдің құрама командаларының арасында жалпыкомандалық ресми емес есепте 22-ші орынға ие болды.

Бұл олимпиялық ойындар сияқты әлемдегі ең үлкен форумда әлі халықаралық тәжірибесі аз жас мемлекеттің үлкен табысы болатын. Бұл жолы құрметіне тәуелсіз еліміздің мемлекеттік туы көтеріліп, әнұраны орындалды. Қай кезде де Қазақстан спортының даңқын шығарып келе жатқан боксшылар болатын. Атлантада [[Болат Нұретдинұлы Жұмаділов|Болат Жұмаділов]] күміс медальға ие болды.

[[Болат Ниязымбетов]] пен [[Ермахан Сағиұлы Ыбрайымов|Ермахан Ибрайымов]] қола медальдарды қанағат тұтты. [[Василий Валерьевич Жиров|Василий Жиров]] бір жекпе- жектен кейін екінші жекпе-жек сайын бабына ене түсіп тоқтаусыз келе жатты. Ақтық бәсекеде оның алдында қарсыласы Әлемнің чемпионы [[Америка Құрама Штаттары|АҚШ]]-тың [[Антонио Тревер]] тұрды. 12:9 есебімен жеңіске жеткен В. Жиров, чемпион атанып қана қоймай, әділ- қазылар алқасының шешімімен ойындардың ең үздік боксшысына берілетін [[Вал Баркер кубогі|Вал Баркердің кубогіне]] ие болды.

Қазақстандық бессайысшы [[Александр Владимирович Парыгин|Александр Парыгин]] Атланта ойындары қаһармандарының біріне айналды.

Біздің [[Атланта|Атлантадағы]] келесі қаһарманымыз атақты балуан [[Дәулет Болатұлы Тұрлыханов|Дәулет Тұрлыхановтың]] шәкірті грек-рим күресінің шебері [[Юрий Васильевич Мельниченко|Юрий Мельниченко]] олимпиялық кілемде алтын медальға ие болды.<ref>Қазақстан - спортшылар елі. Энциклопедиялық анықтамалық. - Алматы: "Сөздік-Словарь". ISBN 9965-822-57-3 </ref>