Қазақстандық жанкүйерлер Ұлттық құрама командалар қатысатын құрлықтық және әлемдік деңгейдегі жарыстарды, ел біріншіліктерін тікелей эфирде көре алады. Атап айтқанда: су спорты түрлері, жеңіл атлетика, дзюдо, көркем гимнастика, каратэ шито-рю, грек-рим және еркін күрес, ауыр атлетика мен шаңғы спортынан Әлем чемпионатын, волейболдан әйелдер арасында Әлемдік гран-при кезеңдік ойындарын, Неміс бундеслигасын, қысқы және жазғы Универсиада ойындарын, теннистен Wimbledon турнирін, волейбол, ауыр атлетика мен велоспорттан Азия біріншіліктерінен трансляция ұйымдастырылды. Телеарна тәулігіне 20 сағат хабар таратады. «KAZsport» спорт телеарнасының шығармашылық ұжымында өз ісінің білікті мамандары қызмет атқарады. Олардың арасында Қазақстанның ең үздік спорт журналистеріне берілетін Сейдахмет Бердіқұлов атындағы жүлденің иегерлері де бар.
==Тарихы==
[[2013 жыл]]дың [[1 шілде]]десінде ашылды. Ашылу рәсімі [[Астана қаласы]]ндағы «[[Қазмедиа орталығы]]нда» өтті. <ref>{{cite web | url=http://kaztrk.kz/kaz/archive/culture/KAZsport_arnasi_ashildi__toligirak__id1372683147.html#go | title=«KAZsportQAZsport» арнасы ашылды | publisher=«Қазақстан» РТРК АҚ | date=2013-07-01 | accessdate=2013-07-01 | author=Батырбек ҚУАНДЫҚҰЛЫ}}</ref> Спорт арнасы [[Мәдениет (телеарна)|«Мәдениет»]], [[Балапан (телеарна)|«Балапан»]] және 14 аймақтық телеарналар топтасқан «[[Қазақстан Телерадиокорпорациясы|Қазақстан» РТРК» АҚ]] құрамына енеді. «KAZsportQAZsport» телеарнасында таралатын жалпы хабарлардың 70 пайызы тікелей таратылады. Олардың негізгісі - Қазақстанда кеңінен таралған спорт түрлерінен өтетін ішкі чемпионаттар мен халықаралық беделді бәсекелер. Спорт шаралары туралы телекөрсетілімдерді белгілі қазақстандық спорт журналистері қазақ және орыс тілдерінде комментарий мен сараптама жасай отырып жүргізеді. Бағдарламалар кестесіне телекөрсетілімдер, жаңалықтар, төл бағдарламалар мен спорттық деректі кино енеді.<ref>{{cite web | url=http://www.aikyn.kz/news/view/25242 | title=«KAZsport» - жұрт күткен жаңалық | publisher=Айқын республикалық қоғамдық-саяси журнал ресми сайты | date=2013-07-01 | accessdate=2013-07-08 | author=Дуанабай Жолдасбек}}</ref>
