Сираж әд-Дин Әбу Хафс Омар

Сираж әд-Дин Әбу Хафс Омар (т. ж. б. — 1457/46 ж. ш.) — араб астрономы, географ. Ол “Харидат әл-ажамб уа фаридат әл-ғариби (“Кереметтер інжу-маржаны және таңғажайып ақықтар”) атты 14 тараудан тұратын еңбек жазған. Онда түрлі қалалардың, елдердің, теңіз бұғаздары мен аралдардың, өзендер мен таулардың аттары беріліп, оларға геогр., геол. сипаттама жасаған. Еңбекте тоғыз-оғыздар жайлы мағлұматтар берілген. Сираж әд-Дин Әбу Хафс Омар ортағасырлық шығыс авторларының бізге жетпеген еңбектерін пайдаланған. Сондай-ақ еңбекте келтірілген әлемнің дөңгелек картасында қазіргі қазақ жерін мекендеген түркі тайпаларының орналасуы көрсетілген. Бұл еңбек араб елінен тысқары жерлерге де әйгілі болды. 16 ғасырда парсы, түрік тілдеріне аударылды.