Ебіней Арыстанұлы Бөкетов: Нұсқалар арасындағы айырмашылық

'''Бөкетов Ебіней Арыстанұлы''' ([[1925]] ж. [[наурыздың 23]], Қырғыз (Қазақ) АКСР Солтүстік Қазақстан облысы қазіргі Шал ақын ауданы Бағанаты ауылы - [[1983]] ж. [[желтоқсанның 13]], [[Қарағанды]]) — көрнекті ғалым, техникалық ғылымының докторы ([[1967]]), профессор (1967), [[Қазақ КСР Ғылым Академиясы|Қазақ КСР Ғылым Академиясының]] академигі ([[1975]]), [[КСРО Жазушылар одағы|КСРО Жазушылар одағының]] мүшесі ([[1974]]).

 

Қазақ тау-кен металлургия институтын (қазіргі [[Қазақ ұлттық техникалық университеті|Қазақ ҰТУ]]) бітірген ([[1950]]). [[1951]]-[[1953]] ж. осы институттың аспиранты. [[1954]]-[[1960]] ж. сонда ассистент, кафедра доценті, оқу ісі жөніндегі директордың орынбасары, 1960-[[1972]] ж. Қазақ КСР Ғылым Академиясының Химиялық-металлургия институтының директоры ([[Қарағанды]]), 1972-[[1980]] ж. [[Қарағанды мемлекеттік университеті|Қарағанды мемлекеттік университетінің]] ректоры. 1980-1983 ж. Қазақ КСР ҒА-ның Химиялық-металлургия институтында аға ғылыми қызметкер, лаборатория меңгерушісі болды. [[1970]] ж. Қазақ КСР Ғылым Академиясының корреспондент мүшесі болып сайланған. [[1969]] ж. Ғылым мен техника саласындағы [[КСРО Мемлекеттік сыйлығы]] берілді. Бөкетов химия саласындағы жаңа бағыттың – халькогендер мен халькогенидтердің химиясы мен технологиясының негізін салған. Бөкетов мыс-электролиттік шламдардан селен, теллур элементтерін бөліп алудың пиро- және гидрохимиялық әдістерін жасап, [[Менделеев, Дмитрий Иванович|Д.Менделеев]] жасаған [[Химиялық элементтердiң периодтық жүйесi|Элементтердің периодтық жүйесіндегі]] химиялық элементтер аналогтарының жіктеліміне түзетулер енгізді. Металлургиялық тотықсыздандырғыштар арқылы көмірді сутектендіру мүмкіндігін дәлелдеді. 50 өнертабыстың, 10 патенттің иесі.