Алға ауданы: Нұсқалар арасындағы айырмашылық

'''Алға ауданы ''' – [[Ақтөбе облысы|Ақтөбе облысының]] [[солтүстік|солтүстігіндегі]] [[әкімшілік]] бөлініс. Жер аумағы 7,1 мың км². Тұрғыны 40,1 мың адам, орташа [[тығыздық|тығыздығы]] 1 км²-ге 5,6 адамнан келеді (2006). Аудан орталығы – [[Алға қаласы]]. Аудандағы 34 елді мекен 1 қалалық, 12 ауылдық [[округ|округтерге]] біріктірілген. Алға ауданының жері негізінен [[қыратты жазық]] (биіктігі 200 – 400 м). Солтүстік-батысында [[Тасқоралы тауы]] (биіктігі 386,7 м), оңтүстік-батысында [[Бесоба тауы]] орналасқан (биіктігі 324 м). Олардан басқа [[Аққұдық]], [[Қарамең]], [[Керуентау]], [[Ақшоқы]], [[Қайқы]], [[Есет]], [[Бесоба]], [[Қаратөбе]], [[Нартау]], [[Тасшоқы]] таулары бар. Кен қазбаларынан [[тас көмір]], [[мұнай]], [[фосфорит]], [[құрылыс материалдары]], т.б. кездеседі. [[Климат|Климаты]] тым [[континент|континенттік]], [[қыс|қысы]] суық, [[жаз|жазы]] ыстық, [[қуаң]]. [[Қаңтар|Қаңтардың]] орташа [[температура|температурасы]] –15 – 16°С, [[шілде|шілдеде]] 22 – 23°С. [[Жауын-шашын|Жауын-шашынның]] жылдық [[мөлшер|мөлшері]] 200 – 250 мм шамасында. Аудан жерінен [[оңтүстік|оңтүстікке]] қарай [[Елек]], [[Сарықобда]], [[Қарақобда]] және олардың салалары [[Тәңірберген]], [[Талдысай]], [[Батпақты]], [[Сазды]], т.б. өзендері ағып өтеді. Топырағы негізінен қызғылт қоңыр, сортаң қызғылт қоңыр болып келеді. Өсімдіктерден [[жусан]], [[бетеге]], [[боз]] шөптері өседі. Аңдардан [[қасқыр]], [[түлкі]], [[қарсақ]], [[күзен]], [[борсық]]; тұяқтылардан [[бөкен]], [[елік]]; құстардан [[дуадақ]], [[тырна]], [[бүркіт]], [[қаз]], [[үйрек]] мекендейді. Ауданда [[ауыл шаруашылығы]] ([[астық]]) мен [[мал шаруашылығы]] ([[ірі қара]], [[қой]], [[жылқы]], [[шошқа]]) жақсы дамыған. [[Минералдық тыңайтқыш|Минералдық тыңайтқыштар]] өндіретін Ақтөбе «[[Нитрохим]]», «[[Неохим]]» [[химия]] кәсіпорындары, [[нан]], [[май]] зауыттары бар. [[Орынбор]] – [[Ташкент]] [[темір жол|темір жолы]], республикалық маңызы бар [[Ақтөбе]] – [[Атырау]] [[автомобиль]] жолы аудан аумағынан өтеді.