Ахмет Байтұрсынұлы атындағы тіл білімі институты: Нұсқалар арасындағы айырмашылық

'''ТілАхмет Байтұрсынұлы атындағы тіл білімі институты''' –— [[Қазақстан Республикасының Білім және ғылым министрлігі|Қазақстан Республикасы Білім және ғылым министрлігі]] Ғылым академиясының ғылыми-зерттеу мекемесі.

[[Қазақ тілі]] мен [[түркітану]]дың іргелі де қолданбалы мәселелерін зерттеумен айналысады. Институтта қазақ тілінің құрылымы мен тарихы, [[диалектология]]сы, [[ономастика]] мен [[терминология]]сы, қоғамдық қызметі, туыстас және өзге де тілдермен байланысы, мәдени өмірдегі орны, т.б. мәселелер көне түркі, ортағасырлық, кейінгі ортағасырлық жазба ескерткіштер негізінде зерттеліп, тіл білімінің жетістіктері мен нәтижелері жұртшылыққа насихатталып отырады.

Сондай-ақ институт осы аталған мәселелер бойынша ғылыми-зерттеу жұмыстарын жүргізумен қатар жоғары білікті мамандар (ғылым кандидаттары мен докторларын) даярлайды. [[1932]] ж. [[КСРО]] ҒА-ның Қазақстан базасы жасақталып, [[1936]] ж. оның құрамына Ұлт мәдениеті институты ([[1934]] ж. құрылған, алғашқы директоры [[С. Аманжолов|С.Аманжолов]]) енді. Осы аталған институттың тіл, әдебиет, халық шығармашылығы және тарих секторлары аталмыш база негізінде [[1938]] ж. шаңырақ көтерген КСРО ҒА Қазақ бөлімшесі Тіл, әдебиет және тарих институтының (алғашқы директоры [[Нығмет Тінәліұлы Сауранбаев|Н.Сауранбаев]]) құрылуына ([[1941]]) негіз болды. [[1945]] ж. осы институттан [[Тарих]], [[археология]] және [[этнография]] институты мен Тіл және әдебиет институты бөлініп шықты. 1961 жылы ғалымдар Сәтбаев пен Әуезовтың бастамасымен Тіл және әдебиет институтының негізінде [[Әдебиет және өнер институты]] мен Тіл білімі институты (директоры академик [[Кеңесбаев Ісмет|І.Кеңесбаев]]) қайта құрылды.