Мұхамеджан Оразбайұлы Тазабеков: Нұсқалар арасындағы айырмашылық

'''Мұхаметжан Тазабеков''' (1975 жылы туылған, [[Байзақ ауданы]], [[Чапаев ауылы]]) – айтыс ақыны. [[ҚазҰУ]]-дің филология факультетін бітірген (1997). Айтысқа 1989 жылдан бастап қатыса бастады. Бұл өнерге өз жолымен, өзіндік үлгі-өнегесімен келген жас. Облыстық, аймақтық айтыстарда, еліміздің ұлағатты той-жиындарында, Дүниежүзі қазақтарының І Құрылтайы мен [[Ордабасы]]дағы ұлы үш бидің аруағына арналған үлкен мерекеде көзге түсіп, жүлделі орындарға ие болған айтыскер ақын. Абайдың 150 жылдық мерейтойында өткен Республикалық айтыстың, Т.[[Рысқұлов]]тың 100 жылдығына, [[Бөгенбай батыр]]дың 300 жылдығына, М.[[Жұмабаев]]тың 100 жылдығына, [[Қарасай батыр]]дың 400 жылдығына, [[Жамбыл]] облысының 60 жылдығына арналып өткізілген ақындар айтысының жеңімпазы. Жамбылдың туғанына 150 жыл толуына арналған ақындардың республикалық айтысында жүлделі 3-орынды алды. Тазабеков өнер сайысында есімдері елге танымал талай ақындармен айтысқа түскен. Тың тақырыпты таңдау мен терең мағыналы теңеулермен бейнелі сөйлеуден Мұхаметжан алдына жан салмайды. Жамбыл туралы түсірілген фильмде Жамбылдың жас кезіндегі рөлінде ойнады. Қазақстан Жастары сыйлығының (1996), Мемлекеттік «Дарын» жастар сыйлығының (1999) иегері.