'''Мұхаметжан Тазабеков''' (1975 жылы туылған, [[Байзақ ауданы]], [[Чапаев ауылы]]) – айтыс ақыны. [[ҚазҰУ]]-дің филология факультетін бітірген (1997). Айтысқа 1989 жылдан бастап қатыса бастады. Бұл өнерге өз жолымен, өзіндік үлгі-өнегесімен келген жас. Облыстық, аймақтық айтыстарда, еліміздің ұлағатты той-жиындарында, [[Қазақтардың Дүниежүзілік құрылтайы|Дүниежүзі қазақтарының І Құрылтайы]] мен [[Ордабасы|Ордабасыдағы]]дағы ұлы үш бидің аруағына арналған үлкен мерекеде көзге түсіп, жүлделі орындарға ие болған айтыскер ақын. Абайдың 150 жылдық мерейтойында өткен Республикалық айтыстың, Т.[[Рысқұлов|Рысқұловтың]]тың 100 жылдығына, [[Бөгенбай батыр|Бөгенбай батырдың]] 300 жылдығына, [[Жұмабаев|М.Жұмабаевтың]] 100 жылдығына, [[Қарасай батыр|Қарасай батырдың]] 400 жылдығына, [[Жамбыл облысы|Жамбыл облысының]] 60 жылдығына арналып өткізілген ақындар айтысының жеңімпазы. [[Жамбыл|Жамбылдың]] туғанына 150 жыл толуына арналған ақындардың республикалық айтысында жүлделі 3-орынды алды. Тазабеков өнер сайысында есімдері елге танымал талай ақындармен айтысқа түскен. Тың тақырыпты таңдау мен терең мағыналы теңеулермен бейнелі сөйлеуден Мұхаметжан алдына жан салмайды. [[Жамбыл]] туралы түсірілген фильмде [[Жамбыл|Жамбылдың]] жас кезіндегі рөлінде ойнады. Қазақстан Жастары сыйлығының (1996), Мемлекеттік «Дарын» жастар сыйлығының (1999) иегері.
