[[Сурет:Cup dromedary Louvre MAO 379-12.jpg|thumb|right|Бір өркешті түйенің бейнесі бар ыдыс, [[Ирак]], [[X ғасыр]]]]
'''Бір өркешті түйе''', '''аруана''', '''дромедар''' ({{lang-la|Camelus dromedarius}}) – [[сірітабандылар]] отрядының [[түйелер]] тұқымдасына жатады. Денесінің ұзындығы 3 – 3,5 м-дей, биікт.биіктігі 2 – 2,5 м. Жон арқасында бір ғана [[өркеш]]і болады, [[жүн]]і қысқа және ашық қоңырқай түсті. Салм. 450 – 650 кг. Алдыңғы [[аяқ]]тарының [[табан]]ы тұтасып кеткен. Құйрығы біршама ұзын. [[Мойын|Мойны]] иіліп келген, [[көз]]дері үлкен, қабақтары қалың, [[құлақ]]тары шағын. Танау тесігі саңылау пішінді. Үстіңгі [[ерін|ерні]] екі айырланып келген. Б. ө. т. [[құрғақшылық]]қа, ыстыққа өте төзімді [[жануар]], бірақ қатты суыққа шыдамсыз. Жақсы жүгіреді. Сондықтан [[араб елдері]]нде Б. ө. т-ні [[дәстүр]]лі түйе жарыстарына қосады. Оларды [[шуда]]сы, [[сүт]]і, дәмді [[ет]]і үшін өсіреді әрі [[шөл дала]] үшін теңдесі жоқ [[көлік]] ретінде пайдаланады. [[Тері]]сінен түрлі [[бұйым]]дар жасалады. Б. ө. т-ні кейде сыңар өркешті түйе деп те атайды.<ref name="source1">Қазақ Энциклопедиясы</ref>
