|
== Қоректенуі ==
Кесірткелердің арасында жемін күндіз де, түнде де аулайтын түрлері бар. Түрлі жәндіктер мен олардың дернәсілдерімен, [[өрмекшілер]], [[моллюскілер]], [[Құрт|құрттармен]], ұсақ кемірушілермен, құстар және олардың жұмыртқасымен, бақа, жыландармен, аздаған түрі өсімдіктің жұмсақ бөліктерімен, жемісімен және тұқымымен қоректенеді.<ref>Қ.Қайым,Б.Муханов,Р.Сәтімбекұлы,М.Шаймарданқызы, "Жануартану"(1998), 167 б., ISBN 5-625-03599-7</ref>
==Түрлеріне сипаттама==
'''Теңіз игуаналары''' – Галапагос аралдарының жергілікті кесірткелері. Бұлар – теңізде өмір сүріп, сонда қоректене алатын жалғыз кесірткелер. Ғалымдардың ойынша, бұл игуаналар Галапагос аралдарына кездейсоқ келген, олар Оңтүстік Американың құрғақ жерінде өмір сүрген игуаналардан шыққан.
'''Улы тісті кесіртке''' – Америка Құрама Штаттары мен Мексиканың жергілікті улы кесірткесі. Бұл – Америка Құрама Штаттарындағы ең үлкен кесіртке. Улы тісті кесірткенің денесі мығым және өрнекті келеді, май жинайтын үлкен ауыр құйрығы болады. Олардың ұзындықтары 40- 50 см, ал салмақтары 2 кг-ға жетеді. Улы тісті кесірткелердің екі түрі бар, олар – торлы улы кесіртке және жолақты улы кесіртке.
'''Комодтық варан''' - Индонезияның Кіші Зонд аралдарында кездесетін комодтық варан – әлемдегі ең үлкен кесіртке. Комодтық варандар – варандардың бір түрі. Олардың ұзындықтары 3 м-ге, ал салмақтары 150 кг-ға дейін жетеді.
'''Көржылан кесіртке''' – Еуропа, Азия және Америкада кездесетін жылан тәріздес кесірткелер. Олардың қабыршақты терісі бар жылтыр денелері болады. Жыландар секілді олардың да аяқтары болмайды. Алайда жыландардан ерекшелігі – олардың қозғалмалы қабақтары мен сыртқы құлақ қалқаны бар. Сонымен қатар көржылан кесірткелерінің жауларынан қорғайтын ұзын, нәзік құйрығы болады. Олар құйрықтарын оңай үзіп, қашып құтыла алады. Еуропалық аяқсыз кесіртке – ең үлкен көржылан кесірткесі. Оның ұзындығы шамамен 1,2 м-ге жетеді.
'''Геккондар''' – әлемнің барлық жерінің жылы аймақтарында кездесетін кесірткелер. Геккандардың 2000-нан астам түрі белгілі. Олар – бір-бірімен тілдесу үшін қатты дыбыстар шығаратын ерекше кесірткелер. Оңтүстік-шығыс Азия мен Жаңа Зеландияның батысында кездесетін геккондар – әлемдегі ең үлкен геккондар. Олардың ұзындықтары 35 см-ге дейін жетеді.
<ref>https://tilalemi.kz/books/7371.pdf </ref>
== Дереккөздер ==
| 