'''Раққа''' немесе '''Әр-Раққа''' ({{lang-ar|الرقة}}; кейде орыс тілінен енген '''Ракка'''/'''Эр-Ракка''' атауымен аталады) — [[Сирия]]ның солтүстігінде орналасқан қала, Раққа облысының ''(мухафаза)'' орталығы. 2013 жылдан бастап [[Ислам мемлекеті]]нің бақылауында, осы ұйымның штаб-пәтері ([[елорда]]сы).
Раққаның негізін [[Селевки әулеті|селевкилер]] патшасы Селевк II Каллиник ({{lang-grc|Σέλευκος Β' Καλλίνικος}}) біздің заманымызға дейін 242 немесе 244 жылы ''Каллиник'' қаласы ретінде салған. Византия империясының кезінде қаланың аты ''Леонтополь'' болып өзгертілді. Қала 542 жылы парсы патшасы [[ХосровI Хұсрау Ануширван|Хұсрау Анушриван]] бастаған жорықтың кезінде жойылды, бірақ император [[Юстиниан І]] кезінде қайта құрылды. 639 жылы қала мұсылман арабтардың қолына өтті. Сол кезден бастап ''Раққа'' деп атала бастады. 796 жылы халифа [[Һарун әр-Рашид]] Раққаны өзінің резиденциясы ретінде таңдайды және қала 13 жыл бойы [[Аббас әулеті|Аббасилер]] халифатының ресми астанасы болды. Халифат астанасы [[Бағдат]]қа көшкеннен кейін Раққа империяның батыс бөлігінің орталығы болып қалды. Раққа 1260-шы жылдары [[моңғол шапқыншылығы]]ның кезінде жойылды, соңғы тұрғындары 1288 жылы қайтыс болды. XVI ғасырдан бастап Раққа [[Османлы империясы|Осман империясының]] кеден бекеті ретінде қайта жанданды. 1864 жылы Раққада тұрғындар қоныстана бастады. 1950-шы жылдардағы бұрын соңды болмаған [[мақта]]ға деген сұраныстың әсерінен қала тұрғындарының саны күрт өсті. 2013 жылдың наурыз айында Раққа шайқастың нәтижесінде [[Ислам мемлекеті]] ұйымының қолына өтті. Қазір Раққа ИМ-нің елордасы саналады.
