[[Сурет:Алтай шежиреси.jpeg|thumb|Алтай шежіресі кітабының мұқабасы]]'''Алтай-Қарпық''' — қазақ халқының құрамындағы [[ру]]лар тобы. 1875 ж. Бұқар қаласында жарық көрген [[Сайдаққожа Жүсіпұлы]]ның (1805-1885) "Қазақ тайпаларының тарихы" деп аталатын кітабындағы деректерге қарағанда қазақ жүздерінің құрамына кірмейтін 8 тайпаның бірі құрамалар. Құрамадан — [[қатаған]], [[дүрмен-барлас]], [[баршылық]], [[қоңырат]], [[қыпшақ]], [[тарақты]], [[маңғытай]], [[моғолтай]], [[ноғайлы]], [[алтай-қарпық]], [[дүрмен]] рулары тарайды(бұларды көпшілікке белгілі қоңырат, қыпшақ, тарақты, т.б. ру-тайпалармен шатыстыруға болмайды). Алтай-Қарпық түріктің қарлұқ бұтағынан өрбіген. Ертеде Алтай тауларының бөктерін мекендегендіктен алтайлық қарлұқтар деп аталған. Осы алтайлық қарлұқтар қалың қазақ арасына келген соң Алтай-Қарпық аталып кеткен. Ал қазақ халқының құрамына еңбей тыс қалғандары қазіргі уақытта Алтай бөктерін мекендейді. Шамамен 600 мың адам. Қазақ халқының құрамындағы Алтай-Қарпықтан — Қаратоқа, Сарытоқа, Алтай аталары тарайды. Олар Өзбекстан Республикасының Бұқар, Хиуа қалалары төңіректеріне қоныстанған.<ref>«Қазақстан»: Ұлттық энцклопедия / Бас редактор Ә. Нысанбаев – Алматы «[[Қазақ энциклопедиясы]]» Бас редакциясы, 1998 ISBN 5-89800-123-9, I том; Т. Р......</ref>
