Тубулар

ТУБУЛАР (өздік атауы – тибу) – Сахара шөлінің орталығы ауданында тұратын халық. Біраз бөлігі Нигер мен Ливияны мекендейді. Жалпы саны 530 мың адам (2001). Антропологиялық жағынан экваторлық нәсілге жатады. Ислам дінінің сүннит тармағын ұстанады. Екі этникалық топқа бөлінеді: Солтүстігіндегілері “теда” деп, оңтүстігіндегілері “даза” деп аталады. Тубулар мал өсірумен және егіншілікпен айналысатын жартылай көшпелі халық. Тедалар түйені, дазалар мүйізді ірі қараны көбірек өсіреді. Өзен сағаларына жақын жерге арпа, бидай, тары егеді. Аңшылық – Тубулардың қосымша кәсібі. Тілі канурт-тубу тобындағы тілге жатады.