'''ТУЗИКОВТузиков Владимир Владимирович''' (8.2.1951 жылы туған, [[Қытай]], [[Құлжа]] қаласы) – әскери қайраткер, генерал-майор (1995). [[Қырғыз Мемлекеттік университеті|Қырғыз Мемлекеттік университетін]] (1973), [[Алматы жоғары жалпы әскери командалық училищесі|Алматы жоғары жалпы әскери командалық училищесін]] (1977), [[Тыл және көлік әскери академиясы|Тыл және көлік әскери академиясын]] (1986) бітірген. Әскери қызметті [[Ақтөбе]] қаласы әскери комиссариатының бөлімше бастығының көмекшісі болып бастады. (1973 – 77). [[Орта Азия]] және [[Түркістан]] әскери округтерінде тыл қызметі лауазымдарында қызмет етті (1977 –91). Қазақстан тәуелсіздік алғаннан кейін армия қолбасшысының тыл жөніндегі орынбасары және Бас штаб бастығының тыл жөніндегі орынбасары болып (1992 – 99) қызмет атқарды. 2003 жылы Оңтүстік әскери округі әскерлері қолбасшысының тыл жөніндегі орынбасары болып тағайындалды. 2004 жылы “Оңтүстік” өңірлік әскері қолбасшысының тыл жөніндегі орынбасары – тыл басқармасының бастығы қызметін атқарды. 2005 жылдан демалыста. Тузиков бірнеше медальдармен марапатталған. <ref>[[Қазақ энциклопедиясы]], 8 том</ref>
