Қапшағай су қоймасы: Нұсқалар арасындағы айырмашылық

'''Қапшағай бөгені''' — [[Іле]] өзені бойында, [[Алматы облысы]] [[ҚапшағайҚонаев қалалық әкімдігі]] аумағы және [[Талғар ауданы|Талғар]], [[Еңбекшіқазақ ауданы|Еңбекшіқазақ]] аудандары жерін қамтиды. [[Қапшағай су электр станциясы]]на байланысты салынған. Қапшағай бөгенінің суға толтырылуы [[1970 жыл|1970]] жылы басталды.

Ауданы 1847 км², ұзындығы 187 км, енді жері 23 км, орташа тереңдігі 15 м, ең терең жері 46 м. Шарасының жоспарлы сыйымдылығы 28 км³. Су жиналатын алабы 113 мың км², жағасының ұзындығы 430 км. Бөгеннің солтүстік жағасы құмды-малтатасты, едәуір бөлігі биік және тік жарлы, оңтүстік жағасы аласа, жайпақ, құмды, саздақты келеді. Бөгенде балықтың 26 түрі (ақмарқа, мөңке, тұқы, табан балық, т.б.) кездеседі, олардың ішінде 16 түрінің кәсіптік маңызы бар. Жылына 2 мың тоннадай балық ауланады. Бөген суымен 450 мың га-дан астам жер суғарылады. Онда күріш, бақша дақылдары егіледі. Сонымен бірге шабындық және жайылым суландырылады, [[ҚапшағайҚонаев (қала)|Қонаев]] қаласының кәсіпорындары пайдаланады.<ref>[[Қазақ энциклопедиясы]]</ref>