Электртехника: Нұсқалар арасындағы айырмашылық

'''Электртехника''' ([[электр]] және [[техника]]) – [[Электр қуаты|электр энергиясын]] іс жүзіндегі мақсатқа пайдалану мәселесін зерттейтін ғылым; техниканың электр энергиясын шаруашылықтың барлық салаларында, [[Әскери іс|әскери істе]], [[Тұрмыс|тұрмыста]] қолдануды жүзеге асыратын саласы. Ол электр құбылыстары жөніндегі заңдарды зерттейді, оларды белгілі бір жүйеге келтіреді. Электротехниканың пайда болуы [[Тұрақты ток|тұрақты токтың]] көзін жасау кезеңінен (18 ғ-дың басы) басталады. Одан әрі ол электр және [[магнетизм]] саласындағы ашылған жаңалықтар негізінде дамыды. Электротехника дамуының алғашқы сатысында [[электр машинасы]] жасалды. Мұның өзі өнеркәсіптік өндірістің, а. ш-ның және көліктің пайда болуына әрі қауырт өрлеуіне зор әсерін тигізіп қана қоймай, өнеркәсіптің жаңа салалары мен ғылыми техникалық бағыттардың да дамуына әсер етті. [[Электр тогы|Электр тогының]] химиялық әсері [[Гальванотехника|гальванотехниканың]], электр энергиясын жарыққа түрлендіру мәселесі жарық техникасының пайда болуына себеп болды. [[Термоэлектрондық эмиссия]] мен [[Фотоэлектрлік құбылыстар|фотоэффект құбылысының]] ашылуы негізінде [[электроника]], [[Радио|радионың]] жасалуы негізінде [[радиотехника]] дамыды. Электр сигналдарын сыммен тарату мәселесі телефон және телеграф байланысының негізі болып саналады. [[Үш фазалы ток]] техникасының ашылуы – электр энергетикасының пайда болуының алғашқы сатысы; 3 фазалы асинхронды қозғалтқыштың құрастырылуы электр жетегінің жасалуына себеп болды. Электр энергиясын кеңінен пайдалану нәтижесінде электрхимиялық өнеркәсіп ([[алюминий]], [[магний]], [[натрий]], т.б. өндірілетін) дамып келеді. Энергетиканың, электрлендірудің, байланыстың, [[Телемеханика|телемеханиканың]], есептеу техникасының және өндіріс пен [[Технологиялық процестер- автоматтық оңтайландыру жүйесі|технологиялық процесстерді автоматтандырудың]] дамуы [[Айнымалы ток|айнымалы]] және тұрақты токты кешенді түрде пайдаланып жұмыс істейтін күрделі жүйелерге негізделген. Электртехника өнеркәсібінің көптеген саласының ғылыми негізі болып саналады.