Оккупация: Нұсқалар арасындағы айырмашылық

'''Оккупация''' (лат. ''occupatіo'' – басып алу) – халықаралық құқықта бір мемлекеттің аумағын (немесе жерінің бір бөлігін) басқа мемлекеттің (немесе мемлекеттердің) әскер күшімен уақытша басып алуы. <ref>Қазақ энциклопедиясы 7- том</ref>[[Әскери оккупация]]ның тәртібі құрғақтағы соғыстың заңдары туралы [[1907]] жылғы [[4-Гаага конвенциясы]]нда, соғыс кезінде бейбіт халықты қорғау туралы [[1949]] жылғы [[Женева конвенциясы]]нда және басқа да халықар. келісімдерде белгіленген. Әскери оккупация уақытша болады да, басып алынған аумақтың саяси тағдырын өзгерте алмайды және басып алушылар мұндай аумақтың егемендігіне ие болмайды, басқыншы мемлекеттің [[заң]] тәртіптері басып алынған аумаққа орнатылмайды. Қазіргі [[халықаралық құқық нормалары]] бір мемлекеттің басқа бір мемлекетке заңсыз басып кіруіне жол бермейді.