'''Баймағамбетов Сұлтан Біржанұлы''' (1920, [[Қостанай]] облысы [[Әулиекөл]] ауданы [[Қояндыағаш]] ауылы — 25.7.1943, [[Ленинград]] облысы [[Киров]] ауданы [[Синявино]] поселке) — [[Кеңес]] Одағының Батыры. 1940 жылы әскер қатарына алынып, 1941 жылдың маусым айынан бастап [[Ұлы Отан соғысы|Ұлы Отан соғысына]] қатынасты. Алдымен мергендер ротасында, кейіннен пулеметшілер[[Пулемет|пулеметші]]лер бөлімшесінде қызмет етті. [[Ленинград]] (қазіргі [[Санкт-Петербург]]) түбіндегі ұрыстарда 50-ден астам дұшпанның көзін жойды. 4 рет жараланған. 1943 жылғы шілдедегі Ленинградты Үлкен жермен байланыстырып тұрған қылтаны кеңейту үшін жүргізілген ұрыстарда [[Баймағамбетов]] [[Ленинград]] майданының 67-армиясы 43-атқыштар дивизиясына[[Дивизия|дивизия]]сына қарасты 147-атқыштар полкінде пулемет бөлімшесінің командирі болды. 1943 жылы 25 шілде күні болған шайқаста жау дзотын кеудесімен жауып, ерлікпен қаза тапты. [[КСРО]] Жоғары Кеңесі Президиумының шешімімен Баймағамбетовке [[Кеңес одағының батыры|Кеңес Одағының Батыры]] атағы берілді (21.2.1944). [[Қостанай]] қаласы мен Әулиекөл кентіндегі поселкесіндегі екі көшеге [[Баймағамбетов]] есімі берілді.[[ Қояндыағаш]] ауданында ескерткіш орнатылған. <ref> Қазақ энциклопедиясы, 2 том; </ref>
