Ақтамберді Сарыұлы: Нұсқалар арасындағы айырмашылық

'''Ақтамберді Сарыұлы'''([[1675]], қазіргі [[Оңтүстік Қазақстан облысы|Оңтүстік Қазақстан]], Қаратау, — [[1768]] — қазіргі [[Шығыс Қазақстан облысы]] [[Абай ауданы]] ауданы [[Жүрекжота мекені]]) — жырау, қолбасы, қазақтың көне жыраулық мектебінің белді өкілі, [[дипломат]]. “Он екіде аттанып, қылыш ілдім білекке” дегеніне қарағанда күреске ерте араласқан жауынгер жырау санатына жатады. Тұрмыстың қыр-сырын, отбасы, елдік, ерлік, жер мәселелерін жырларында жақсы бейнелейді. Қысқа нақыл, шешен сөздердің шебері. [[1742]] ж. [[Орта жүз]] ру басшыларының Орынборда ант беру жиналысына өкіл болды. [[1738]] — [[1752]] ж. қазақ-қалмақтың қанды қақтығыстарының барлығына дерлік қатысқан. “[[Ақтабан шұбырынды]]” оқиғасының зұлмат қан кешуін бастан өткерген. Ес білгеннен бастап 70 жыл бойы ат үстінен түспей, елі мен жерін қорғаған қас батыр, айтулы шешен, қабырғалы би, атақты жырау. Қазақ жауынгерлерінің азаттық, құлдық жөніндегі түсініктері, көшпелі халықтың тыныс-тіршілігі, болашаққа деген сенімі, адалдық-жауыздық, [[қиянат]], әділетсіздік хақындағы таным-түсініктері Ақтамберді талғамынан өтіп жыр-толғауға айналған.

Ақтамбердінің “Балаларыма өсиет” деп аталатын толғауы соңғы туындыларының бірі болса керек. [[Жырау]] балаларын тірліктегі бірлікке, талап мұратқа, татулыққа үндейді. Жас ұрпақтың бір жағадан бас, бір жеңнен қол шығаруы елді мақсатына жеткізерін ескертеді. [[Халық|Халықты]]ты алауыз мінездерден сақтандырады.

Ақтамберді толғаулары мен жырлары [[Сәбит Мұқанов|С. Мұқановтың]] “Қазақтың 18-19 ғасырдағы [[әдебиет]]інің тарихынан очерктер” ([[1942]]), “Ертедегі әдебиет нұсқалары” ([[1967]]), “[[Алдаспан]]” ([[1971]]), “15-18 ғасырдағы қазақ поэзиясы” ([[1982]]), “Бес ғасыр жырлайды” ([[1985]]) жинақтарына енгізілген.