Алакөз сүңгуір: Нұсқалар арасындағы айырмашылық

[[Сурет:Aythya nyroca16.jpg|thumb|200px]]'''Алакөз сүңгуір''' (Aythya nyroca) — [[қаз]] тәрізділер отрядының [[үйрек]] тұқымдасына жататын су [[Құстар|құсы]]. [[Қазақстан|Қазақстанда]] [[Сырдария]], [[Шу]], [[Іле]], [[Торғай]] өзендерінің төменгі сағасын және [[Алакөл]], [[Зайсан]], [[Қорғалжын|Қорғалжын көлдерін]] мекендейді. Қанатының ұзындығы 17-19 см, салмағы 480-600 г келеді. Мекиені біркелкі қоңыр, ал қоразының басы, мойыны, кеудесі күрең қоңыр-сарғыш, бауыры ақ, арқасы қара қоңыр болады. Басқа [[сүңгуір құстар|сүңгуір құстардан]] ерекшелігі судан жеңіл көтеріліп, жылдам ұшады. Ұясын судың терең жерінде өскен қамыс пен құраққа салады. Мекиені 7-11 жұмыртқаны 25-28 күн басады. Шілдеде балапандары ұядан ұшады. Негізгі қорегі — [[су өсімдіктері]] мен [[су жәндіктері]]. Алакөз сүңгуір — жыл құсы. Қыркүйек — қазан айларында жылы жаққа ұшып кетеді. [[Жерорта теңізі|Жерорта]], [[Қара теңіз|Қара]], [[Каспий теңізі|Каспий теңіздерінің]] жағалауларында және [[Африка|Африканың]] солтүстік-шығысында, аз бөлігі [[Алматы]] қаласы маңындағы Сорбұлақ көлінде қыстайды. Наурыз — сәуірде жазғы мекендеріне қайта оралады. 1960 — 80 жылдары Республикамыздың оңтүстік және оңтүстік-шығыс бөлігінде саны көп болған. Санының күрт азайып кетуіне байланысты Алакөз сүңгуір қорғауға алынып, Қазақстанның “[[Қызыл кітап|Қызыл кітабына]]” енгізілген (1996).

 

== Пайдаланған әдебиет==

<references/>