Балалар үйі: Нұсқалар арасындағы айырмашылық

'''Балалар үйі''' — ата-анасыз қалған [[бала|балалар]] үшін құрылған [[тәрбие]] беру [[мекеме|мекемесі]]. Балалар үйін ұйымдастырудың мақсаты — балаларға [[мемлекет]] тарапынан пана болу, материалдық, моральдық көмек беру, олардың [[білім]] мен [[тәрбие]] алуына қолайлы жағдай жасау, мамандық таңдауына көмектесу, [[тәуелсіз]] [[өмір]] сүруге даярлау. Жалпы білім беретін оқу-тәрбиелік мекемелерде балалар 3 жастан 18 жасқа дейін толық мемлекет қамқорлығында болады. [[Қазақстан|Қазақстанда]] алғашқы Балалар үйі [[1918]] жылы ашылды. Кеңес өкіметі кезінде Балалар үйінің: мектепке дейінгі (3—7 жастағы бүлдіршіндер); мектептік (7—14 жастағы балалар); аралас (бүлдіршіндер мен [[мектеп]] жасындағылар) және арнаулы (ата-аналары [[Екінші Дүниежүзілік соғыс|2-дүниежүзілік соғыс]] кезінде қаза тапқан балалар) түрлері болды. 1956 жылы [[Қазақстан]] үкіметінің қаулысы бойынша Балалар үйінде болу мерзімі 18 жасқа дейін ұзартылды. Мектептік Балалар үйі мектеп-интернат болып қайта құрылды (1959). Балалар үйіндегі балалар тобының көпшілігі отбасы үлгісінде ұйымдастырылған: ағайынды, апалы-сіңлілі балалар бірге өмір сүріп, тәрбиеленеді. Тәрбиеленушілер жақын маңда орналасқан мектептер мен [[оқу]] орындарында оқиды. Мектеп бітірген соң, арнаулы орта, жоғары оқу орындарына конкурстан тыс қабылдануға құқылы. Мұнда олар жалпы ережелерге сай [[мемлекет]] қамқорлығына алынады. <ref> Қазақ энциклопедиясы, 2 том; </ref>