Биомасса: Нұсқалар арасындағы айырмашылық

'''Биомасса ''' (био… және масса) — бір түрдің, түрлер тобының немесе бүтіндей бірлестіктердің ([[өсімдік]], [[микроорганизм]] және жануарлардың) [[тіршілік]] ететін мекенінің бірлік бетіне не көлеміне келетін жалпы [[Масса|массасы]]. [[Өлшем]] бірліктері: <big>кг/га, г/м², г/м³, кг/м³,</big> т.б. Өсімдіктердің биомассасы [[фитомасса]], жануарлардың биомассасы [[зоомасса]] деп аталады.

[[Экожүйе|Экожүйеде]] [[Энергия|энергияның]] таралуы мен орташа биомассаның арасындағы байланысты анықтау үшін Дж/м² өлшемі пайдаланылады. [[Құрлық|Құрлықтағы]] [[гетеротрофты организмдер|гетеротрофты организмдердің]] ішінде топырақта тіршілік ететін [[Микроорганизмдер|микроорганизмдердің]] биомассасы өте жоғары болады. Атап айтқанда, [[Жауын құрты|жауын құртының]] тіршілік ету ортасына байланысты биомассасы 200 — 1500 кг/га аралығында болады. [[Сүтқоректілер]] мен [[Құстар|құстардың]] орташа жылдық биомассасы 1 — 15 кг/га (бірақ бұл көрсеткіш құстардың қыстауы мен [[Қоныс Аудару|қоныс аударуы]] кезінде жоғары болады).