Бозшакөл мыс кен орны: Нұсқалар арасындағы айырмашылық

'''Бозшакөл мыс кені ''' – [[Павлодар]] қаласынан оңтүстік-батысқа қарай 125 км жердегі «мысты порфир» типті ірі [[КЕН ОРНЫ|кен орны]]. Бозшакөл мыс кені ежелгі кен қазбаларының ізімен 1930 ж. Р.А. [[Борукаев Рамазан Асланбекович|Борукаев]] ашты. Кен орны [[Бозшакөл]] антиклинорийінің оңт. қанатында орналасқан. Оның жаралу тегі төм. [[Кембрий кезеңі|кембрийдің]] негізгі құрамды жанартаулық жыныстарын кесіп өтетін дайка (сығылма) тәрізді плагиогранит-порфир интрузиясымен байланысты. Мұнда ендік бағыттағы уатылу белдемін бойлай орналасқан екі [[кен]] денесі бар. Басты кен [[минералдары]] – пирит, [[халькопирит]], [[МОЛИБДЕНИТ|молибденит]], магнетит, олар сыйыстырушы жыныстарда ұсақ желі және сеппе түрінде таралған. [[Тотығу]] белдемінің тереңд. 3 – 40 м. Кен құрамында [[мыс]], [[молибден]], сондай-ақ [[алтын]], [[күміс]], [[рений]], [[кобальт]], т.б. бар. [[Кентас|Кентастағы]] [[Металдар|металл]] мөлшері шамалы болса да қоры мол, ашық әдіспен алуға қолайлы. [[Кен орны]] толық барланып, игеруге дайындалған. <ref name="source1">“Қазақ Энциклопедиясы”</ref>