Балшықшылар: Нұсқалар арасындағы айырмашылық

'''Балшықшылар ''' (Lіmіcolae) – [[татреңділер отряды|татреңділер отрядына]] жататын [[Құстар|құстар]]. Жер шарында кең тараған (тек [[Антарктида|Антарктидада]] кездеспейді), 2 тұқымдасы, 160-тан астам түрі белгілі. [[Қазақстан]]да 50-ден астам түрі кездеседі, олар далалар мен шөлдердегі өзен-көл жағалауына, кішкене шалшық сулардың маңына өте көп жиналады. Дене тұрқы 14 – 62 см, салм. 20 г-нан 1 кг-ға дейін. Көпшілігінің аяғы ұзын, сирағы қауырсынсыз, 3 – 4 бармақты, артқы бармағы өте кішкене (сондықтан жерге тимейді) немесе мүлдем болмайды. Б-дың (қызғыштан басқасының) қанаты ұзын, жіңішке әрі үшкір, құйрығы қысқа болады, жерде жақсы жүгіріп, суда жақсы жүзеді. Тұмсықтарының пішіні әр түрлі келеді. Б-дың көпшілігі арнайы ұя жасамай, шұбар түсті 2 – 4 [[Жұмыртқа|жұмыртқасын]] шұңқырға салады. Кейбір түрлері басқа [[Құстар|құстардың]] тастап кеткен ағаш басындағы ұясын да пайдаланады. Балшықшылар [[құрт|құрттармен]], [[Моллюскалар|моллюскілермен]], [[Шаянтәрізділер|шаянтәрізділермен]], [[жәндіктер|жәндіктермен]] және оның [[Дернәсіл|дернәсілдерімен]] қоректенеді. Олар – [[жыл құсы]]. Сәуір айында ұшып келіп, қазанда жылы жаққа ұшып кетеді. Б-дың кейбір түрінің еті дәмді, сапалы.