Баренц теңізі: Нұсқалар арасындағы айырмашылық

'''Баренц теңізі'''— [[Солтүстік Мұзды мұхит|Солтүстік Мұзды мұхиттың]] шеткі теңізі. [[Еуропа|Еуропаның]] солтүстік жағалауы мен [[Шпицберген]], [[Франц-Иосиф]] Жері, [[Жаңа Жер]], [[Вайгач]] және [[Аюлы аралы|Аюлы аралдары]] аралығында жатыр. [[Ресей]], [[Норвегия]] жағалауымен шектеседі. Аумағы 1,4 млн. км². [[Бұғаз|Бұғаздар]] арқылы [[Кар тауы|Кар тауларымен]], [[Ақ теңіз|Ақ теңізбен]] жалғасады. Көпшілік бөлігінің тереңдігі 360 — 400 м, ең терең жері — 600 м. [[Жағалау|Жағалауы]] қатты тілімделген, биік жартасты (фьордтар), тек шығысындағы [[Канин түбег]]і аз тілімделіп, жайпақ келген. Негізгі шығанақтары: [[Порсангер-фьорд]], [[Варангер-фьорд]], [[Мотов]], [[Кола]], [[Печора]] және [[Чеш. Аралдары]] аз, ең үлкені — теңіздің оңтүстігіндегі Колгуев аралы. Теңізге [[Печора]] және [[Индига]] өзендері құяды. [[Атлант мұхиты|Атлант мұхитының]] жылы ағысы әсерінен теңіздің оңтүстік-батыс бөлігі қатпайды, ақпан айында суының жоғарғы қабатының температурасы 3—5°С. Солтүстік-батысы мен солтүстік-шығысында мұз әдетте жыл бойы жатады, тек кейбір жылдары ғана теңіз мұздан толығымен арылады. Теңіздің тұздылығы 32—35‰. Баренц теңізінде жарты тәуліктік су толысуы байқалады, Кола түбегі жағасында оның көтерілу биіктігі 6,1 м-ге жетеді. Теңізде балық аулау кәсібі ([[ТРЕСКАТӘРІЗДІЛЕР|треска]], [[Майшабақтәрізділер|майшабақ]], пикша, [[сайда]], [[теңіз алабұғасы]], [[камбала]]) және кеме қатынасы жақсы дамыған. Негізгі порттары: [[Варде]] (Норвегия), [[Мурманск]] (Ресей), т.б. Баренц теңізі [[Голландия|Голландияның]] теңіз саяхатшысы [[В.Баренцтің]] құрметіне аталған.