Батыр Қайыпұлы: Нұсқалар арасындағы айырмашылық

'''Батыр Қайыпұлы ( туған жылы белгісіз — 1771)''' — [[Сұлтан|сұлтан]], [[Кіші жүз|Кіші жүздің]] бір бөлігінің ханы (15.10.1748 — 1771). [[Жошы|Жошыдан]] тараған [[Жәдік]] сұлтанның ұрпағы. [[Бұхара|Бұхарада]] оқып тәрбиеленген. 1728 жылы аз уақыт [[Хиуа]] тағында отырған. 1723 - 29 жылдары қазақ-жоңғар соғыстарында [[Шекті]] руының жасағын бастап, жеке басының [[Батырлық|батырлығы]] және [[ҚОЛБАСШЫ|қолбасшылық]] қабілетімен көзге түседі. XVIII ғасырдың 20-шы жылдарының аяқ кезінен бастап [[Әбілқайыр]] ханның басты [[Бақталастық|бақталастарының]] біріне айналды. [[Барақ|Барақ сұлтан]] сұлтанмен келісімге келіп, Әбілқайырдың өліміне себепші болды. 1731 жылдың желтоқсанда Батыр сұлтан [[Ресей]] бодандығын қабылдағанымен өзінің геосаяси мақсаттарын жүзеге асыруда [[Жоңғарлар|жоңғарларға]] да иек сүйеуге тырысты. Әбілқайырдың қазасынан кейін, оның ұлы [[Нұралы|Нұралы хан]] ханның билігін мойындаудан бас тартты. 1748 жылдың қазан айында [[Әлімұлы|Әлімұлының]] [[Шекті]], [[Шөмекей]], [[Бозғыл]], [[Қарасақал]] руларының басшылары Батыр сұлтанды хан сайлайды. Бірақ Ресей өкіметі оны хан деп танымайды. 1750 - 60 жылдары Батыр хан Орта [[Азия]] жеріндегі хандармен бейбіт [[қарым-қатынас]] орнатады. Егде тартқан шағында [[Сырдария|Сырдарияның]] төменгі ағысындағы ордасында қайтыс болады.