Баффин Жері: Нұсқалар арасындағы айырмашылық

'''Баффин жері'''(Baffіn Іsland) — Канадалық арктикалық топаралдың ішіндегі ең үлкен арал. Ол солтүстік-батыстан оңтүстік-шығысқа қарай [[Гренландия]] жағалауы бойымен 1500 км-ге созылып, одан [[Баффин теңізі]] мен [[Дейвис бұғазы]] арқылы бөлініп жатыр. Ауданы 476 мың км2. Аралдың басым бөлігі кембрийге дейінгі [[Гнейс|гнейстер]] мен [[Кристалл|кристалды]] [[тақтатас|тақтатастардан]] түзілген. Батыс бөлігі - батпақты көлдері бар төбешікті (абсолюттік биіктігі 150 - 200 м) [[жазықтық]], шығыс бөлігін [[тау|таулар]] (абсолюттік биіктігі 2591 м) алып жатыр. Онда ауданы 83 мың км2 болатын мұздықтар орналасқан. Климаты арктикалық ылғалды. [[Өсімдіктер|Өсімдіктері]] – [[мүк]], [[қына]] және тундралық бұталар, жануарлары – [[лемминг]], [[поляр қояны]], көгілдір [[түлкі]]. Тұрғындары 3 мыңға жуық, негізінен, аралдың оңтүстігінде тұрады. Олардың негізгі кәсібі - [[аңшылық]] пен [[балық]] аулау. [[Қорғасын]], [[мырыш]], [[күміс]] өндіретін шахталар жұмыс істейді. Арал ағылшын зерттеушісі У. Баффин құрметіне аталған.