Ақшыл сепкілгүл: Нұсқалар арасындағы айырмашылық

'''Ақшыл сепкілгүл ''' (Frіtіllarіa pallіdіflora) – [[лалагүл|лалагүлділер]] тұқымдасы, сепкілгүл туысына жататын көп жылдық жуашықты [[өсімдік]]. Қазақстанда [[Тарбағатай]] мен [[Жетісу]] (Жоңғар) [[Алатау|Алатауындағы]] субальпілік шалғындар мен жартастарда өседі. Биіктігі 40 см-дей, жуашығы ұсақ, домалақ. Бұтақсыз сабағына жапырақтары кезектесіп немесе қарама-қарсы орналасады. Төменгі жапырақтары қандауыр тәрізді, ал жоғарғы жапырақтары шоғырланып келеді. Ірі гүлі [[қоңырау]] тәрізді, дара немесе 2 – 5 гүлі бар иілген шашақ гүлшоғырына бірігеді. Гүл күлтесі сарғыш не ақшыл жасыл, ал оның ішкі жағында қоңыр қызыл түсті дақтары бар. Өсімдіктің аты осыған байланысты аталған. Ақшыл сепкілгүлдің жағымсыз иісі болады. [[Тұқым|Тұқымынан]] көбейеді. Мамыр – маусым айларында гүлдеп, шілдеде жеміс береді. Жемісі – көп тұқымды [[қауашақ]]. Ақшыл сепкілгүл – сирек кездесетін өсімдік. Жылдан-жылға таралу аясына байланысты қорғауға алынып, Қазақстанның «[[Қызыл кітап|Қызыл кітабына]]» енгізілген. ▼