Алакөл-Балқаш артезиан алабы: Нұсқалар арасындағы айырмашылық

'''Алакөл-балқаш артезиан алабы''' , [[Оңтүстік-шығыс Қазақстан]]дағы өте ауқымды алап. Ол оңтүстігінде [[Жетісу]] (''Жоңғар'') жотасымен, солтүстігінде [[Балқаш көлі]] жағалауымен және [[Орталық Қазақстан]] адырларының оңтүстік-шығыс жиектерімен, оңтүстік-батысында [[Шу-Іле]], ал солтүстік-шығысында [[Тарбағатай тауы]]мен шектелетін ойпат аумағына сәйкес келеді. Ойпат негізінен [[мезозой-кайнозой]] түзілімдерінен тұратын біршама саяз синклинорий құрайды, ол альпілік тектогенез нәтижесінде бірнеше мульдаларға дараланған. Жер асты сулары көбінесе неогендік және төрттік кезеңдері түзілімдеріне шоғырланған. Иондық құрамы жағынан жер асты сулары [[сульфатты-хлоридті натрийлі-кальцийлі және сулфатты-хлоридті натрийлі-магнийлі]] болып бөлінеді. Олар өнімділігі, минералдану дәрежесі және хим. құрамы жағынан әр түрлі болып келеді. [[Ақсу-Лепсі, Іле-Қаратал]] және [[Алакөл]] мульдаларында ұшырасатын сульфатты-хлоридті натрийлі сулардың орташа дебиті 10 – 200 м³/тәулік, кейде 550-ге дейін жетеді, минералдану дәрежесі 2,5 – 4,5 г/л, сирегірек 10 г/л-ден астам; гастрит, панкреатит және бүйрек ауруларын емдеуге қолданылады. Солтүстік-Балқаш мульдасындағы (''Іле өзенінің сол жағалауы'') сульфатты-хлоридті натрийлі-кальцийлі сулардың орташа дебиті 50 – 250 м³/тәулік, 30-дан 100 м³/тәулік мөлшерге дейін өзгереді; минералдану дәрежесі 2,5 – 3,5 г/л аралығында. Сульфатты-хлоридті натрийлі-магнийлі сулар Оңтүстік Балқаш (Балқаш көлінің оңтұстік жағалауы) және Іле-Қаратал мульдаларында ұшырасады; дебит мөлшері 120 – 225 м³/тәулік аралығында өзгереді, минералдану дәрежесі 2,5 г/л-ден 57 г/л-ге дейін.<ref>Қазақстан Республикасының табиғаты туралы энциклопедия, V- том</ref>▼