[[File:Informal economy 1995.png|thumb|Alt=A.|[[ВВП]] (1993-1998 жылдары) әр түрлі елдерде]]
'''Микроэкономика'''(грек. mіkro – шағын және оіkonomіke – үй шаруашылығын жүргізу өнері)<ref> Қазақ энциклопедиясы, 6 том </ref> – 1) [[кәсіпкер|кәсіпкерлердің]], [[кәсіпорын|кәсіпорындардың]], [[тұтынушы|тұтынушылардың]] мінез - құлқын бағалау мен [[зерттеу|зерттеуге]] негізделетін [[экономика|экономикалық]] талдау әдісі.Классикалық [[мектеп|мектептің]] [[экономист|экономистері]] іргелі зерттеулер арқылы [[экономика]] ғылымының тармағы ретінде микроэкономикалық талдау жүргізді. Кейін микроэкономикалық талдаумен қатар Микроэкономика саласындағы зерттеулер біртұтас экономика ғылымын құрады; 2) экономика ғылымының шағын ауқымды үдерістеріне, [[субъект|субъектілерге]], [[кәсіпорын|кәсіпорындарға]], [[фирма|фирмаларға]], [[кәсіпкер|кәсіпкерлерге]], олардың [[шаруашылық]] қызметтеріне, олардың арасындағы экономикалық қатынастарға қатысты зерттеулермен байланысты бөлімі. Микроэкономикада негізінен [[тауар өндірушілер]] мен [[тұтынушы|тұтынушыларға]], олардың қажеттілік, баға, шығын, пайда ескерілетін [[өндіру]], [[сату]], сатып алу, тұтыну көлемі жөніндегі шешімдеріне баса назар аударылады. Микроэкономика субъектілердің нарықтық мінез - құлқын, олардың арасындағы қарым-қатынасты, [[өндіруш|өндірушілер]], [[кәсіпкер|кәсіпкерлер]] және [[мемлекет]] арасындағы бөлісті, айырбасты, тұтынуды зерделейді. Микроэкономиканың негізгі бөлімдері: [[тұтынушы]] теориясы; [[фирма]] және нарықтық құрылым теориясы; [[монополия]] мен бәсеке мәселелері; [[мемлекет]] пен жекеше сектордың өзара іс-қимылы мәселелері;еңбек рыногін талдау, [[табыс|табысты]] бөлу мәселелері.<ref> Қаржы-экономика сөздігі. - Алматы: ҚР Білім жэне ғылым министрлігінің Экономика институты, "Зияткер" ЖШС, 2007. ISBN 978-601-215-003-2 </ref>
