Магнит өрісі: Нұсқалар арасындағы айырмашылық

Content deleted Content added
Жаңа бетте: =='''Магнит өрісі'''== Магнит өрісі — қозғалыстағы электр зарядтары мен магниттік моменті бар ден...
 
1-жол:
=='''Магнит өрісі'''==
[[Магнит өрісі]] — қозғалыстағы электр зарядтары мен магниттік моменті бар денелерге (олардың қозғалыстағы күйіне тәуелсіз) әсер ететін күштік өріс. Магнит өрісі магниттік индукция векторымен (В) сипатталады. В-ның мәні магнит моменті бар қозғалыстағы эл. зарядына және денелерге өрістің берілген нүктесінде әсер етуші күшті анықтайды. “Магнит өрісі” терминін 1845 ж. ағылшын физигі [[М. Фарадей]] енгізген. Ол элетр өзара әсер сияқты магнит өзара әсер де бірыңғай материялық өріс арқылы беріледі деп санаған. Электр-магнит өрістің классикалық теориясын [[Дж.Максвелл]] жасаған (1873), ал кванттық теориясы 20 ғ-дың 20-жылдары жасалды (қ. Өрістің кванттық теориясы). Макроскоп. Магнит өрісінің көздері — магниттелген денелер, тогы бар өткізгіштер және қозғалыстағы зарядталған денелер. Бұл көздердің табиғаты бір: Магнит өрісі зарядталған микробөлшектердің (электрон, протон, ион), сондай-ақ, микробөлшектердің меншікті (спиндік) магн. моменті болуының нәтижесінде пайда болады (қ. Магнетизм). Айнымалы Магнит өрісі электр өрісінің, ал электр өрісі Магнит өрісінің уақыт бойынша өзгерісі нәтижесінде пайда болады. Электр және магнит өрістері, олардың бір-бірімен өзара әсерлері Максвелл теңдеуімен толық сипатталады. Магнит өрісінің [[кернеу]]лігі (Н) мен магнит [[индукция]]сы (В) — өрістің күштік сипаттамасы. Кернеулік векторы өріс пайда болған орта қасиетіне тәуелсіз шама болса, индукция векторы қарастырылатын денедегі қорытқы өрісті сипаттайды. Сондай-ақ, индукция векторы Магнит өрісінде қозғалған зарядқа әсер ететін күшті, магн. моменті бар денеге Магнит өрісінің тигізетін әсерін, өріс тарапынан байқалатын басқа да әсерлерді анықтайды. Табиғатта Магнит өрісінің сан алуан түрі кездеседі. [[Магнитосфера]]ны түзетін Жердің Магнит өрісі Күнге қарай 70 — 80 мың км-ге, ал оған қарама-қарсы бағытта миллиондаған км-ге созылады. Жер бетінде Магнит өрісі орташа 0,5 Э-ке тең, ал магнитосфераның шекарасында 10–3 Э. Планетааралық Магнит өрісі — негізінен Күн желінің өрісі (суретті қ.). Күннің оталуы, ондағы дақтар мен [[протуберанец]]тердің байқалуы, Күннен шығатын ғарыштық сәулелердің пайда болуы тәрізді құбылыстарда Магнит өрісі елеулі рөл атқарады. Магнит өрісі заттың (ортаның) оптик. қасиетіне және эл.-магн. сәуле шығару құбылысының затпен әсерлесу процесіне елеулі ықпал жасайды, өткізгіштер мен шала өткізгіштерде гальваномагн. құбылыстар мен термомагн. құбылыстарды туғызады. Магнит өрісі әдетте әлсіз (500 Э-ға дейін), орташа (500 Э — 40 кЭ), күшті (40 кЭ — 1МЭ) және аса күшті (1МЭ-ден жоғары) болып бөлінеді. Іс жүзінде бүкіл электртехника, радиотехника мен электроника әлсіз және орташа Магнит өрісін пайдалануға негізделген. Әлсіз және орташа Магнит өрісі әдетте тұрақты магнит, электрмагнит, суытылмайтын [[соленоид]], асқын өткізгіш магниттердің көмегімен алынады. Күшті Магнит өрісін алуда асқын өткізгіш соленоидтар (150 — 200 кЭ), сумен салқындатылатын соленоидтар (250 кЭ-ға дейін), импульстік соленоидтар (1,6 МЭ) қолданылады. Аса күшті Магнит өрісі бағытталған жарылыс (қопарылыс) әдісімен алынады.<ref>“Қазақстан”: Ұлттық энцклопедия/Бас редактор Ә. Нысанбаев – Алматы “Қазақ энциклопедиясы” Бас редакциясы, 1998 ISBN 5-89800-123-9</ref>
 
== Пайдаланған әдебиет==