'''Калифорния түбегі,''' Төменгі [[Калифорния]] – [[Солтүстік Америка]] құрлығының батысында, [[Мексика]] мемлекетінің (Төменгі Калифорния штаты) құрамындағы түбек. Тынық мұхиттың суымен (батысында) және оның Калифорния шығанағы (шығысында) суларымен шайылып жатыр. Ұз.Ұзындығы 1200 км, енді жері 200 км, аум.аумағы 144 мың км2. Түбектің шығысы оқшауланған жанартаулық және кристалды таулы алқаптан тұрады. Осы тұстағы ең биік жері 3078 м (Ла-Энкантада тауы). Батысында кертпештеліп келген таулы үстірт (биіктігі 1000 – 1500 м) және ойпаттар жатыр. Солтүстігіндегі климаты субтропиктік, оңтүстігінде тропиктік. Жер бедерінде шөлді және шөлейтті өсімдіктер (әр түрлі бұталар, [[кактус|кактустер]], [[агава|агавалар]], [[юкки]], т.б.) басым өскен, таулы өңірінде шоқ тоғайлар кездеседі. Түбекте Сьерра-де-Сан-Педро-Мартир ұлттық саябағы орналасқан. Суармалы егіншілік жақсы дамыған. Одан басқа жайылымдық мал шаруашылығы, балық ш.шаруашылығы қалыптасқан. <ref>“Қазақстан”: Ұлттық энцклопедия/Бас редактор Ә. Нысанбаев – Алматы “Қазақ энциклопедиясы” Бас редакциясы, 1998 ISBN 5-89800-123-9</ref>
