'''Абдолла Әбдірахманұлы Асылбеков''' (1896-1938), [[журналист]], [[жазушы]] және қоғам қайраткері. ''«Біздің де күніміз туды», «Октябрь күнінде»'' атты деректі повестері 1921 ж. [[Орынбор]] қаласында жеке кітап болып басылып шықты. [[Сәкен Сейфуллин|С. Сейфуллиннің]] ''«Тар жол, тайғақ кешу»'' атты романында А.Абдолла туралы толық мағлұмат берілген. Турашыл, ер мінезді, ұлт мүддесін түсінетін азамат ретінде Асылбеков ''«Алашорда»'' үкіметі қайраткерлерінің оқу-ағарту, жерге қоныстандыру, дербес экономикалық бағытты ұстанужөніндегі көзқарастарына іштартты. Ол 1922 ж. қазақ қызметкерлерінің кеңесінде [[Ахмет Байтұрсынов|А. Байтұрсынов]] пен [[Сәдуақасов Смағұл|С. Сәдуақасовтың]], [[Әуезов|Әуезовтің]] ''«коммунистік-колонизаторлық саясатқа қарсы»'' пікірлері мен ашаршылықтың зардаптарын жою туралы үсыныстарынұсыныстарын қолдады. 1921 ж.жылы Әуезовпен бірге [[Қоянды жәрмеңкесі|Қоянды жәрмеңкесінде]] қазақ автономиясының бір жылдық тойын өткізуге жетекшілік етті. Қажымұқан, Майра, Иса, Жынды Омар, Зәрубай, Әміре, Шашубай, Ғаббас, Қалибек сияқты ел өнерпаздарын жәрмеңкеге қатыстырып, ойын-сауық уйымдастырды, М. Әуезовтің шығармашылығын жоғары бағалады. Ол 1932 жылғы ашаршылықты айыптап, үкіметтің алдына тиісті мәселе қойған. Асылбеков пен Әуезовтің арасындағы достық қарым-қатынас туралы деректер С. Бегалиннің, Қ. Қуанышбаевтың, Қ. Тоғызақовтың естеліктерінде баяндалған.<ref> Мұхтар Әуезов энциклопедиясы - Алматы, «Атамұра» баспасы, 2011. ISBN 978-601-282-175-8 </ref>
Мақалалары мен очерктері «Тіршілік», «Еңбекші қазақ», «Совет-ская степь» газеттері мен «Қызыл Қазақстан» журналында жарияланып тұрды.
