'''Нұртас Дәндібайұлы Оңдасынов''' (26 қазан 1904 ж., [[Оңтүстік Қазақстан]] облысы [[Түркістан]] ауданы – 4 қараша 1989 ж., Мәскеу) – мемлекет және қоғам қайраткері.<ref>Қазақ энциклопедиясы, 7 том</ref> 1920 – 26 ж. [[Ташкент]]тегі ғ14 қазақ мектеп-интернатында тәрбиеленіп, Түркістан орман техникумында оқыды. 1926 – 1930 ж. [[Қызылорда]], [[Жамбыл]], [[Шымкент]] округтерінде әр түрлі қызметтер атқарды. 1931 – 1938 ж. Ташкент ирригация институтында меңгеруші, кеңшар директорларын даярлайтын курс директорының орынбасары, Қазақ орман шаруашылығы тресі директорының орынбасары, директоры, Қазақ КСР-і Жер Халық Комиссариаты басқармасының бастығы болды. 1938 ж. Шығыс Қазақстан облысы атқару комитетінің төрағасы. 1938 – 1951 ж. Қазақ КСР-і Халық Комиссарлары Кеңесінің (1946 жылдан Қазақ КСР-і Министрлері Кеңесі) төрағасы. 1954 – 1955 ж. Қазақ КСР-і Жоғарғы Кеңесі Президиумының төрағасы, 1954 – 1958 ж. КСРО Жоғарғы Кеңесі Президиумы төрағасының орынбасары, 1955 – 1962 ж. Гурьев (қазіргі Атырау) облысы атқару комитетінің төрағасы, облыстық партия комитетінің 1-хатшысы қызметтерін атқарды. Оңдасынов жергілікті ұлт кадрларын дайындауға баса көңіл бөлді. 1946 ж. Қазақ КСР-і ҒА-ның құрылуына байланысты ұйымдастыру жұмыстарына басшылық жасады. 1962 жылдан зейнеткерлікке шығып, [[Мәскеу]]де ғылыми жұмыспен айналысты. [[Араб]]ша-қазақша, парсыша-қазақша түсіндірме сөздіктер жазды.
==Жетістіктері==
2 рет Еңбек Қызыл Ту, 3 рет [[Ленин]] орденімен және медальдармен марапатталған. Оңтүстік Қазақстан облысындағы бірқатар мектептер мен көшелерге Оңдасыновтың есімі берілген.
