Қарғабаев '''Өмірзақ Қарғабаев''' (1866, қаз. [[Жамбыл ауданы]], — 1951, сонда) — ақын. Әкесі Қарғабай да, шешесі Бақырқыз да өлеңші, өнерпаз болған. Қарғабаев жас кезінен ас-тойдың, жиын-тамашаның мақтаулы жыршысы болды. [[1912]] ж. қырғыз манабы Шәбденге берілген асқа Жамбылмен бірге барып, жаршы-жыршы ретінде көзге түсті. Қ. 1925 ж. Қазақстанның 5 жылдық тойына "[[Жаңа Түркістан]]" дастанын шығарды. Сондай-ақ "Өмірзақ ақын мен болам" дастанында ел өміріндегі әлеум.-саяси жағдайды салыстыра жырлаған. Қарғабаев Жамбылға арнап "Тарланым 401 келді бөйгеден" атты ұзақ толғау шығарды. Қарғабаевтан мол әдеби мұра қалды. Ә.Диваев Қ. аузынан өзінің жеке шығармаларын және халық аузындағы айтыс, дастан-жырларды жазып алды. Қ-тың бірсыпыра өлеңдері 1940 ж. Москвада "Песни степей" ("Дала жырлары") жинағында басылды. Қарғабаевтың шығармалары М.Әуезов атындағы Әдебиет және өнер институтының қолжазба қорында сақтаулы.
<ref> Жетісу энциклопедия. - Алматы: «Арыс» баспасы, 2004. — 712 бет + 48 бет түрлі түсті суретті жапсырма. ISBN 9965-17-134-3</ref>
