Ән: Нұсқалар арасындағы айырмашылық

'''Ән''' — ең кең таралған музыкалық [[шығармалар]] [[жанр|жанры]], [[музыка]] және [[поэзия]] өнерлерінің ортақ туындысы. Ән мазмұнына қарай (азаматтық, революциялық, лирикалық, еңбек, [[әзіл]] т.б.), шығу тегіне байланысты (халықтық, авторлық, қалалық, әскери, балаларға арналған, діни т.б.) және орындалуы мен [[Құрылым|құрылымына]] байланысты (жеке дауысты, көп дауысты) болып бөлінеді. Әуендік-интонацация, орындаушылық мәнер-нақышы және шырқау ерекшелігіне сай [[қазақ]] әндері [[Арқа әндері]], [[Жетісу сазы]], [[Батыс Қазақстан мектебі]], [[Алтай әуені]], [[Сыр бойы мақамы]] тағы басқа болып айқындалады. Халқымыздың ән шығармашылығы негізінен [[домбыра]] аспабының сүйемелдеуімен дамыған. [[Тақпақ]]-сазды екпіндегі [[нөсер]] [[терме]], желдірме-толғаулар және кең тынысты созып айтатын көтеріңкі әндер көбіне халықтық әндерге тән. [[Қазақстан|Қазақстанның]] кәсіпқой композиторларының әндеріне өмірдегі сан-алуан тақырып арқау болған. Отандық ән жанрының дамуына [[Абай]], [[Ақан сері]], [[Мұхит]], [[Біржан]], [[Балуан шолақ]], [[Үкілі Ыбырай]], [[Әзірбаев|К. Әзірбаев]], [[Бекежанов|Н. Бекежанов]], [[Хамиди|Л. Хамиди]], [[Байқадамов|Б. Байқадамов]], [[Мұхамеджанов|С. Мұхамеджанов]], [[Кәрімбаев|С. Кәрімбаев]],[[ Еспаев|Ә. Еспаев]], [[Тілендиев|Н. Тілендиев]], [[Рахмадиев|Е. Рахмадиев]], [[Қалдаяқов|Ш. Қалдаяқов]],[[Бейсеуов| Ә. Бейсеуов]], [[Маңғытаев|М. Маңғытаев]],[[ Базарбаев|Т. Базарбаев]],[[Хасанғалиев| Е. Хасанғалиев]] т.б. елеулі үлес қосты.<ref>Қазақ мәдениеті. Энциклопедиялық анықтамалық. Алматы: “Аруна Ltd.” ЖШС, 2005 ISBN 9965-26-095-8</ref>