Галловей сиыры: Нұсқалар арасындағы айырмашылық

Галловей сиыры - етті мал тұқымы. Шотландияның Галлоуей ауданынан таралған. Галловей сиыры мүйізсіз, түсі қара, қара қоңыр, ішінде қара аласы да кездеседі. Жүні ұзын, бұйра және тығыз, сиырдың басқа тұқымдарымен будандастырғанда да осы ерекшелігін сақтайды. Мойны жуан, кеудесі кең, аяғы қысқа. Дене тұрқы 150 см, биіктігі 120 см, кеуде орамы 190 см, жіліншік орамы 20 см-дей, бұқасы 700-800 кг (кейде 1000 кг-дай), сиыры 450-500 кг тартады. Өгізшелері төулігіне орта есеппен 900 г-дай салмақ қосады. Сойыс шығымы 60%. Еті дәмді, сүттілігі 1500 кг-дай. 6-7 айға дейін (180-200 кг) бұзау енесінің бауырында болады. 1962-65 ж. Қазақстанға (Шығыс Қазақстан және Алматы облысына) 200 бас Галловей сиыры әкелінді. 1994 ж. Қазақстанда 21425, оның ішінде 3758 таза қанды галловей сиыры болды. Галловей сиыры мен Алатау сиырының арасынан алынған будандар мықты да төзімді келеді. Галловей сиыры Қазақстанда ет бағытындағы жаңа тұқым алуда кеңінен қолданылды. <ref> Жетісу энциклопедия. - Алматы: «Арыс» баспасы, 2004. — 712 бет + 48 бет түрлі түсті суретті жапсырма. ISBN 9965-17-134-3</ref><ref name="source1">Қазақ Энциклопедиясы</ref>

 

<references/>