Қызыл қасқыр: Нұсқалар арасындағы айырмашылық

'''Қызыл Қасқыр'''– (Cuon alpіnus) — қасқыр тұқымдасына жататын жыртқыш аң. Қазақстанда [[Тянь-Шань]] мен [[Жетісу]] ([[Жоңғар]]) Алатауында кездеседі. [[File:Кентау. Вид 012 2007.jpg|thumb| alt=A.| ''[[Тянь-Шань]]''.]]Дене тұрқы 100 — 110 см, құйрығының ұзындығы 45 — 50 см. Құйрық жүні үлпілдек. Арқасы қызыл қоңыр, екі бүйірі солғын қызыл түсті. Қызыл Қасқыр жаз айларында [[альпі]] және субальпі белдеулерінде 2500 — 4000 м биіктікте, [[таутеке]] мен [[арқар]] жайылатын жерлерде қоныс аударып тіршілік етеді. Баспана ретінде түрлі қуыстар мен басқа аңдардың тастап кеткен індерін пайдаланады. Көбеюі жөнінде деректер аз. Мысалы, [[Пекин]] хайуанаттар паркінде Қызыл Қасқырдың қаңтар айында ұйығып, 60 күннен кейін көбіне 3 — 4 күшік туатыны анықталған. Көбею кезінде үйірімен (5 — 10, кейде 30) жүреді. Қызыл Қасқыр — терісі бағалы аң. Саны өте аз, соңғы 40 жылда Қазақстанда Қызыл Қасқырдың кездескені туралы дерек жоқ. Қызыл Қасқыр Халықаралық табиғат қорғау одағы мен Қазақстанның “Қызыл кітабына” енгізілген.